上海市江宁中学

上海市江宁中学，老底子叫金科中学、公萨格公学（Gonzaga College），是老底子美国耶稣会勒垃上海创办个隻教会中学，1952年年底变成公立学堂。一开始，学堂勒垃霞飞路汶林路（乃朝淮海路宛平路）。後首来因为学堂忒小，发展弗起来，1933年9月份搬去胶州路734号，面积有得九亩多个地。，是上海第一所主要用英语教课个天主教会中学。

1936年春，前天主教耶稣会神父马相伯等11人组成校董会，马相伯做校长，拿公萨格公学正式改名叫金科中学，请神父丁树人做金科中学第一任校长，报经政府立案。秋天，学堂拿学期规定改脱，从四年制改成初高中三三制，全校学生260多人。1936年到1940年，历任校长分别是沈安芳、徐志光。八·一三淞沪抗战爆发仔么，金科中学全校师生全面支持抗战。汪精卫伪政府上台仔么，金科中学严词拒绝。後首来，学堂领导变脱交关频繁，到1945年抗战胜利仔么，金科中学校长是吴应枫神父，後首来畀伊辰光个震旦大学附中主任龚品梅神父，到1949年春，总务主任姚景星神父出任副校长主持日常事务。

金科中学里向有座总铎级教堂类思堂，里向摆个主保是圣类思·公撒格，堂区范围是乃朝静安区胶州路周边一圈。二战以后，上海天主教主母会从浦东钱家天主堂搬得来，“文化大革命”辰光停止活动。

1949年以后，因为共产党员学生仔反对外加外界环境压力，学校改请丰子恺做校董会董事长，前上海法学院教务长曹辛汉做校长，副校长畀姚景星做。1952年12月31号，金科中学变成公立学堂，改名上海市江宁中学。1996年，江宁中学所有建筑，包括学堂里向隻教堂侪拆脱，改造出胶州路教师公寓。2010年11月15号下半日14点多，胶州路教师公寓因为施工事故发生失火，死脱58個人。