金泽水库
金泽水库勒垃中国上海市青浦区金泽镇西部、太浦河北岸，上海四大水源地之一。金泽水库是上海市政府为咾改善黄浦江上游各水源地取水口过多、水质推板个局面造个。乃歇金泽水库是上海四大水源地里向唯一一座弗使用长江水源而取黄浦江上游水源个水库。2016年12月29号，金泽水库向金山、奉贤、闵行供应原水，2017年3月份、5月份分别向青浦、松江两区供水，解决箇五隻上海西南个区约670万上海市民个饮用水问题。
规模
[编辑]利用金泽镇李家荡、乌家荡两隻天然湖荡，构建尽责水库。水库里向有得沉水、挺水植物带，岸边是生态石笼护砌咾啥个，构建生态水库，最大程度降低对周边环境影响。李家荡、乌家荡两隻主库区间根据弗同功能保持两米高度差。水库从太浦河引水，一路设置多重保障：进口设置拦污清污设施，引水河道设置入库沉淀区、微纳米充氧系统、生物接触氧化区、挺水植物带，构建水体同微生物充分接触个有效空间，起到混合增氧、强化净化个作用。
金泽水库库区水面积约1.92平方公里，有效库容817万立方米，近期规划原水供应规模有得351万立方米/日。[1]
供水范围
[编辑]金泽水库是上海市四大饮水水源之一，畀青浦二水厂、青浦三水厂、松江一水厂、松江二水厂、小昆山水厂、金山一水厂、奉贤二水厂、奉贤三水厂、星火水厂、闵行二水厂、源江水厂原水，主要服务范围是金山、奉贤、松江全区，外加闵行、青浦大部分地区。[1]