金山幸福水上机场
金山幸福水上机场，也叫金山水上机场，是上海市金山区沪杭公路7741号金山城市沙滩北面个隻A2类水上通用机场，上海金山通用航空产业发展有限公司运营个，是中国头一隻对公众开放提供通航运输服务个水上通用机场[1]，金山区个应急救援直升机标准起降点[2]。
概况
[编辑]金山幸福水上机场陆地占地7500平方米，水面占地35万平方米[2]，有块水上运行区，长1450米、宽150米，有得1条05-23方向个水上跑道、上岸坡道搭仔70米长个水上飞机停靠码头，机坪有得4隻机位[1]搭仔直径17米个直升机起降坪[2]。
历史
[编辑]2015年4月28号，机场试飞成功[3]。
2016年7月20号，机场开通头一趟运行，必过执行去舟山个首飞航线个辰光发生事故，航线停运[4]。
2019年7月10号，金山幸福水上机场获得A2类许可证[1]。
2020年9月16号，机场復飞，开通去舟山普陀山机场个水上航线，叫“沪舟风景快线”[5]，航程170公里，全程1個钟头，航速225公里/小时，是塞斯纳208EX机型飞个，每個礼拜五、六、日各有一趟往返航班[6]；11月1号，机场再开通去建德千岛湖通用机场个航班航线[7]。
2021年10月份，华东无人机基地勒垃箇机场实验垂直起降固定翼无人驾驶飞行器海岛场景物流运输，1個钟头完成前去舟山运海鲜回上海个飞行[8]。
参考资料
[编辑]- ↑ 1.0 1.1 1.2 上海金山水上机场取得民航A类许可证. 界面新闻 (2019-07-24).
- ↑ 2.0 2.1 2.2 金山区应急局 (2023-06-02). 强化全民安全意识，提升应急避险能力. 上海市应急管理局.
- ↑ 戴慧菁 (2015-04-28). 金山将开通水上飞机游览 直飞舟山每座500元- 手机新民网. 新民网.
- ↑ 王笈. “幸福通航”黑匣子数据解读正开展 事发时环境不利于飞行. 环球网. 访问日脚2023-01-13.
- ↑ 浙江省国资委 (2020-09-11). “航空+旅游” 舟山普陀山机场助力“长三角一体化”发展. 国务院国有资产监督管理委员会.
- ↑ 谢梦洁 (2020-09-08). 浙江舟山—上海金山即将开通水上飞行航线. 央广网.
- ↑ 应陶 (2020-11-02). “浙江建德—上海金山”水陆通勤旅游航线正式开通-杭州新闻中心-杭州网. 杭州网.
- ↑ 文汇网 (2023-02-08). 金山区开辟无人机“新赛道” 引领上海及华东地区无人机产业发展. 上海市金山区人民政府.[链接坏脱]