惠山油酥

惠山油酥

惠山油酥，无锡名小吃，一开始叫“重油烧饼”，别名“金刚肚脐”。渠长嘞赛过棋子，馅头有桃肉、青梅子、糖瓜条、桔皮、糖、素油咾啥个10几种原材料，用精面粉、芝麻做皮，香、甜、酥。

简介

惠山油酥，老底子叫重油烧饼，是无锡惠山地區出名个小吃。侪传箇油酥是明朝畀灭脱仔么，明朝皇帝一家门里向有人住勒无锡惠山箇地方，爲咾过日脚么，做仔重油烧饼卖畀来惠山寺进香个香客。惠山寺惠性法师看到隻油酥，感觉伊赛过四大金刚个肚脐眼，叫伊金刚肚脐。金刚肚脐个名字一炮而红，成为无锡一带个特产，名字用到今朝。

做箇点心个，老底子出名个有朱顺兴、朱德昌、朱永昌、朱源泰咾啥个，侪是朱家门个，故咾无锡有得俗语“朱一角”。1949年新中国成立仔么，拿各爿店合并成“惠山糖果店”，拿“金刚肚脐”改名叫“惠山油酥”。

2007年，朱顺兴油酥店老店新开。2010年，惠山油酥进仔无锡市非物质文化遗产名录。

做法

往面粉里向加油、白糖、盐、葱花、苏打粉，搓出酥皮来，再拿红绿丝、金橘饼咾啥个斫碎，帮白糖、油、盐拌勒一道做芯子，再用酥皮拿搓成圆球个馅头包进去，往白芝麻里向一滚，进仔烤箱烤熟就好吃哉。