重庆南路（上海）

南北高架重庆南路淮海中路路口

重庆南路是上海市黄浦区一条南北走向个路，勒垃租界个辰光叫吕班路，北起淮海中路接重庆中路，南到徐家汇路接鲁班路，长1537米，阔15到22.3米。

重庆南路1889年修个，是上海法租界公董局越界修个路，伊辰光叫卢家湾路。1902年，用法国驻华公使吕班箇名字改名吕班路（Avenue Dubail），连接霞飞路帮徐家汇路。1943年汪精卫政权接收法租界个辰光改名灵宝路，1946年改名重庆南路。1995年，上海南北高架路通过重庆南路全线，宽25.5米。重庆南路段没立交桥，只勒垃徐家汇路南、淮海中路南有上下匝道。

重庆南路沿路传统丄是住宅区，出名个近代住宅有165号巴黎公寓、166弄幸福坊、169弄巴黎新村、177号-179弄永丰村、185号吕班公寓、205弄万宜坊（54号为邹韬奋故居）。南段有上海第二医科大学，也就是老底子震旦大学校舍，搭仔天主教重庆南路圣伯多禄堂。