里斯伯格斯卡学校枪击案

 除特別註明外，箇隻页面、条目或章節个辰光侪以欧洲中部辰光（UTC+01:00）為準。

欧洲中部辰光2025年2月4号，瑞典厄勒布鲁个成人教育中心里斯伯格斯卡学校里向发生校园枪击案，造成包括凶手至少11人死脱、15人受伤。瑞典首相乌尔夫·克里斯特松表示，箇桩枪击案是瑞典历史丄顶严重个大规模枪击案。

背景

2023年，瑞典是欧洲人均枪支暴力事件顶多个国家。2020年代开始，帮派枪击事件到处是，政府正想办法积极打击枪支暴力。

里斯伯格斯卡学校是一所市立成人教育中心，来勒厄勒布鲁，帮多所教育机构共用教育设施，主要面向没完成基础或中等教育个人。事发个辰光，约莫2000名成人学生来勒箇埭读书，课程有得高中程度教育搭仔针对移民个瑞典语课程。

枪击案

老师玛丽亚·佩加多回忆，伊听到枪声以后，连忙领仔15名学生子畔起来。校长英格拉·贝克·古斯塔夫森则表示，伊个辰光伊来勒吃中饭，冷陌生头有学生冲进来通知大家立时三刻撤离；伊搭其他人躲进附近个二手商店个员工休息室里向。另外一名老师莱娜·瓦伦马克表示，伊天仔学堂里向学生子比平时少交关，因为弗少人来勒全国考试结束以后已经回屋里哉。

当地辰光下半天12点33分，当地警察收到报案，赶到现场以后同凶手枪战，拿凶手当场打煞，呒没警员受伤。