释能海

釋能海（1886年1月20号—1967年1月1号），俗名龚学光，字缉熙，又字阔初，男，四川绵竹人，中国近代佛教高僧，后人尊称为能海上师、海公上师。

生平

能海法师生勒四川省绵竹市汉旺镇。阿爹叫龚常一，是个生意人，阿娘姓张。能海有一個姐姐，比伊大10岁。能海细辰光，阿爹阿娘就都过世咾，屋里两個囡（能海同伊姐姐）相依为命，互相相帮，纔活下来。能海14岁個辰光，去成都恒升通匹头业当学徒。勒私塾读书辰光，有一位姓龚个先生，看见能海聪明，就像自家囡一样教导伊，传授咾许多有用个学问。

後來，龔學光曾經做過云南讲武堂个教官，替中華民國培養大批个軍事人才。

1924年，龔學光決心出家，跑去涪陵拜礼佛源法师，出家做和尚。

1925年（民國十三年），伊勒成都市新都區寶光寺跟釋贯一受具足戒。同年，伊跟咾大勇法師个留藏學法團從四川邊境進西藏，學習藏傳佛教。

1928年到1940年，伊一直勒西藏，師從西藏之月輪、白文殊法成就者、宗喀巴大師二十八代傳人康薩仁波切，成為宗喀巴大師嫡傳二十八代。

能海上師學成以後，回到成都近慈寺，翻譯出版佛經，培養大批學生仔，大家叫伊「宗喀巴大師以後密宗第三法王」。

1949年以後，伊歷任全國人大代表、山西省政協委員、中國佛教協會副會長、山西省佛教協會會長。

中国佛教协会会长赵朴初题塔铭：

承文殊教，振锡清凉。显密双弘，遥遵法王；律履冰洁，智刃金刚。作和平使，为释宗光；五嵿巍巍，三峨苍苍，閟塔崇岳，德音无疆。

弟子

能海上师个法脉传人是蒙文登，仪轨传人是五台山清海上师。

• 释仁清
• 释清定
• 释隆莲
• 释万法
• 释贞意
• 释大吉

外部链接

• 能海法师传 ^{[链接坏脱]}