郑源兴
| 鄭源興 | |
|---|---|
 鄭源興 | |
| 出生 |
1891年 浙江省宁波府奉化县萧王庙镇慈林村 |
| 逝世 |
1955年 中华人民共和国上海市 |
| 职业 | 中国冷冻业、蛋业先驱人物 |
郑源兴（1891年—1955年），字福明，浙江奉化人，中国实业家、中国冷冻业、蛋业先驱人物，有人叫伊民国“蛋业大王”[1]。
生平
[编辑]1891年，郑源兴勒垃浙江省宁波府奉化县萧王庙镇慈林村出世。因为屋里向贫唻叮当响，伊13岁就去上海打工哉，勒垃上海虹口天潼路爿小蛋行做学徒。19岁，伊业绩做唻相当好，升任朱慎昌蛋行个经理，後首来自主创业，集资2万块，创办承余蛋公司。1920年，企业总资本增加到20万元哉，改成茂昌蛋厂[2]。1927年，伊花仔200万元，新开茂昌蛋业冷藏股份有限公司，是中国自主冷冻行业个先驱企业，担任公司经理，施行现代企业制度。英商和记洋行花大价钿想让郑源兴退出冷冻业，伊拒绝，反过来花大价钿请外国专家提升技术，还自家跑到欧洲、美国去考察制冷设备[3]。伊还勒垃自家企业里向开办职业学校，培训工人，设立医务室，畀职工造宿舍，提高职工个福利待遇。职工好优先低价买公司股票，获得分红[1]。
1930年，伊个冰蛋厂开到青岛，建立论百隻收购鸡蛋个网点，又勒垃上海黄浦江边壗造冰库、存储仓库、码头，勒垃上海郊区开办养鸡场[4]。箇公司还开到仔英国伦敦，勒垃伊面成立分公司海昌公司，还勒垃法国、德国、荷兰、意大利、美国、日本、菲律宾、澳大利亚等国有办事处、分理处，企业职工有近2万人[1]。
20世纪30年代，伊做过中国冰蛋业同业公会会长，世界蛋业公会理事长。伊辰光大家叫伊“蛋业大王”[1]。
抗日战争爆发仔么，1938年，日军打进上海，拿伊关勒监牢里向想让伊帮东洋人合作。伊拿企业名字改脱，搬进上海法租界继续做生意[1]。
1945年，抗日战争胜利，公司恢复原名。1948年冬，伊到香港开办分厂。1950年，伊经天津回到上海。曾畀中央人民政府对外贸易部请去做顾问。1954年，伊拿伦敦分公司卖脱，公私合营，出任合营公司个董事长兼副经理。1955年，因为脑溢血，勒垃上海故脱[1]。
纪念
[编辑]参考文献
[编辑]引用
[编辑]- 1 2 3 4 5 6 奉化新闻网 (2006-11-22). 慈林骄子 (zh-CN). 雪窦文艺. 原始文档勒2016-03-04存档. 访问日脚2014-09-20.
- ↑ 镇海网讯 (2005-03-28). 宁波商帮中的50多位镇海人 (zh-CN). 镇海新闻网. 原始文档勒2016-03-04存档. 访问日脚2014-09-20.
- ↑ 郑源兴 (zh-CN). 浙江档案网 (2012-09-12). 原始文档勒2016年3月4日存档. 访问日脚2014-09-20.
- ↑ 潮起，奉化商帮！ (zh-CN). 奉化新闻网 (2014年08月01日 08:29). 访问日脚2014-09-20.[链接坏脱]
书籍
[编辑]- 《郑源兴家传》