邯郸路

復旦大學附近个邯鄲路

邯郸路是中国上海市虹口区、杨浦区一条东西走向个交通干道，西起大柏树立交，东到五角场，西段是杨浦虹口两区区界，全长2640米，宽34.2米到40米。邯郸路丄有中环线高架，勒垃复旦大学门前，中环是地道。

历史

邯郸路1922年修个，因为伊拿引翔乡帮殷行乡连起来，叫翔殷路。1929年改名翔殷西路。侵华日军占领个辰光，改名叫明治通，汪精衛政權个辰光改名协和路。1947年，国民政府叫伊魏德迈路，纪念抗日战争里向担任中国战区美军司令个魏德迈上将。1950年，上海市人民政府用河北邯郸拿伊改成邯郸路。後來邯郸路主线成為中环个一部分，地面道路只預留机动车道搭仔人行道，畀复旦大学咾啥个踏脚踏车个人造成困擾。2021年年底，邯郸路復旦大學門口新增加非机动车道。

交汇道路

邯郸路西起大柏树，是帮逸仙路、汶水东路、中山北一路、曲阳路交汇个路口，东到五角场，是隻四平路、翔殷路、黄兴路、淞沪路、邯郸路个五岔路口。其它帮邯郸路相交个路有：运光路、松花江路、国权路、国年路、国顺路、国达路、国定路、国宾路。