道场乡

道场乡
—  乡  —
省	浙江省
市	湖州市
区	吴兴区

道场乡，是吴越浙江省湖州市吴兴区个一隻乡。

道场乡有拉湖州城区个南面，区域面积61.5平方公里，下底有7隻行政村咾3隻社区（城南、浮玉、湖山府）。

歷史

道场乡古代属乌程县三碑乡，民国28年（1939年）吴兴县设道场乡。民国35年（1946年），安仓镇南门外3個保搭康丰乡第九保划畀道场乡。1950年6月份，分成道场、双塘、福山三隻乡。1956年2月份，三隻乡又合并成道场乡。1958年10月份，道场、龙溪两隻乡一淘建立道场人民公社，1963年7月份，道场公社调整成道场公社、龙溪公社搭弁南公社。1984年2月份，道场人民公社改成道场乡。

民国28年（1939年），吴兴县设立金盖乡、何衡乡，民国35年合并成云巢乡，1950年4月份，划分成云巢、山塘两個乡，1956年4月份又合并成云巢乡。1958年10月份，云巢、妙西两個乡合并成云巢人民公社。1961年6月份，云巢公社调整成云巢、妙西、南埠三個公社。1965年8月份，云巢公社撤脱，划到菁山等公社。1984年4月份，菁山公社划出一部分村坊建立云巢乡。

1999年1月20号，云巢乡并进道场乡。2001年，道场乡个30隻行政村合并成15隻。

2002年10月份，双塘、道场、陆家兜箇三隻村坊從道場鄉劃到嘚鳳凰街道（後末來又劃畀嘚新成立个康山街道）。2005年10月份，黄墅、长西、福山、石泉桥四隻村坊划畀杨家埠镇。

行政区划

• 社区：城南社区、浮玉社区、湖山府社区；

• 行政村：道场浜村、钱山下村、唐南村、南墩村、红里山村、施家桥村、菰城村。