逃亡者
《逃亡者》（英语：Man on the Run）是一部揭露一個馬來西亞發展有限公司醜聞（1MDB）个纪录片，导演搭仔执行制片人是卡斯·米高·金（Cassius Michael Kim）。搿部纪录片阐述脱一马公司丑闻个经过，主要讲在逃商人刘特佐个事体，揭露伊搭马来西亚前总理纳吉·阿都拉萨个关系。[1]箇纪录片勒2023年9月22号搭9月29号勒纽约搭洛杉矶首映[2]，勒同年10月19号开始勒马来西亚GSC旗下个几家电影院放映。[3][4][5]2024年1月5号，纪录片上线流媒体平台网飞（Netflix）[6]。
剧情
[编辑]搿部记录片主要围着在逃商人刘特佐搿根主线展开，内容讲个是金融丑闻案件一个马来西亚发展有限公司丑闻。纪录片里向提仔交关大事件，好比纳吉侵吞7亿美金、安东尼·凯文·莫莱斯拨人杀脱、2018年马来西亚大选政权更迭、反对纳吉个马哈蒂尔·穆罕默德上台执政、纳吉勒2020年拨定罪咾啥个。
相关事体
[编辑]勒2024年1月8号，纳吉想要叫马来西亚政府硬劲要Netflix拿《逃亡者》撤下来。[7][8]过了三日天（1月11号），纳吉个律师团队正式写了一封信拨通讯部长法米法兹，算是正式要求《逃亡者》下架。[9]必过，捍卫自由律师团出来发仔一份文告，里向讲，政府根本朆权力要求Netflix撤下《逃亡者》，连得考虑啦批准纳吉搿种请求侪弗应该，为来搿是弗合法个：Netflix又弗受1998年通讯及多媒体法令管个，因为该平台是通过互联网传输流媒体服务个。[10]
评价
[编辑]勒搿搭，民主行动党个元老林吉祥讲，伊勒拉看《逃亡者》个辰光，有两隻问题。[11]头一桩就是纳吉竟然会得答应勒镜头前头出镜，承认一马公司丑闻是历史上数一数二顶严重、顶大个丑闻。第二桩事体里向，林吉祥拿纳吉勒采访里讲个闲话引出来哉：
搭纳吉来自同一个政党——巫统个青年团团长阿克马沙烈，伊批评讲，《逃亡者》勿单单对纳吉有偏见搭仔诽谤，里向个内容更是恶意个来刻画纳吉个负面形象。伊指出来讲，《逃亡者》作为一部纪录片，朆用专业搭道德个角度来讲故事，反倒是带仔宣传个性质去片面个描述搿个故事。阿克马还批评讲，搿部纪录片拿纳吉搭阿尔丹杜雅谋杀案啦安东尼·凯文·莫莱斯谋杀案侪扯勒一道，算“媒体审判”个，更覅讲纳吉还勒垃法庭浪接受审讯呢，搿种做法是恶意宣传，硬劲要让大家对纳吉留下负面印象，影响司法公正。葛咾，伊就此呼吁通讯及多媒体委员会拿搿桩事体管起来，要求Netflix拿纪录片撤下来。[12][13][14]
参考
[编辑]- ↑ 《逃亡者》( Man On The Run）揭劉特佐挪用（1MDB)資金 過奢侈生活好萊塢爽當金主 (zh). 光明日报 (2023-10-19).
- ↑ 【视频】有关刘特佐纪录片来了! 《逃亡者》9月美国上映 (zh-hans). www.enanyang.my (2023-08-03).
- ↑ 1MDB丑闻电影“逃亡者” 10月19日全马上映 (zh-Hans). 東方網 馬來西亞東方日報 (2023-10-13).
- ↑ 一马案纪录片周四上映，美国导演曾来马采访纳吉. Malaysiakini (2023-10-15).
- ↑ 以刘特佐为主线展开 纪录片《逃亡者》本周上映 (zh-hans). www.enanyang.my (2023-10-15).
- ↑ 明年1月5日，一马案纪录片在网飞全球播映. Malaysiakini (2023-12-08).
- ↑ 纳吉寻求政府强制网飞，下架一马案纪录片“逃亡者”. Malaysiakini (2024-01-08).
- ↑ 纳吉1MDB案|沙菲宜：妨碍1MDB案审理 要求撤纪录片《逃亡者》 (zh). 星洲网 Sin Chew Daily (2024-01-08).
- ↑ 纳吉律师致函，寻求通讯部强制《逃亡者》下架. Malaysiakini (2024-01-12).
- ↑ 捍卫自由律师团:政府无权要求Netflix下架《逃亡者》 (zh-hans). www.enanyang.my (2024-01-13).
- ↑ 林吉祥：看《逃亡者》被2问题困扰 纳吉承认1MDB是史上最大丑闻 (zh). 光华网 (2024-01-12).
- ↑ 巫青批《逃亡者》片面与极端 “恶意刻画纳吉负面形象！” (zh-Hans). 東方網 馬來西亞東方日報 (2024-01-12).
- ↑ 恶意把纳吉扯上蒙女等命案，巫青加入挞伐“逃亡者”. Malaysiakini (2024-01-12).
- ↑ 阿克马：非专业探讨纪录片 《逃亡者》具偏袒宣传性质 (zh). 星洲网 Sin Chew Daily (2024-01-12).