车路湾村

车路湾村
—  行政村  —
省	浙江
市	杭州
區	蕭山
鎮	瓜沥

车路湾村，是吴越杭州市萧山区瓜沥镇个一隻行政村。

历史

本来是绍兴县管个，是1956年3月份划畀萧山县个。1949年5月份之后是党山乡十三村，1950年6月份是梅林乡一、二村，合作化个辰光建立中心、协兴、大兴、天兴、决心咾啥个农业社，1956年2月份合并成梅林农业社，1958年10月份是党山公社第三管理区12、13连队；1959年4月份是梅林核算单位；1961年5月份是梅林大队；1966年5月份则梅林大队分设成车路湾大队；1984年5月是车路湾村。

基本情况

车路湾村来夯瓜沥镇东面，本来是党山镇人民政府个驻地，东面则群力村搭界，南面则碧苑新村社区搭界，西面到党山湾，北面则世安桥村搭界，有15个村民小组。面积1.9平方公里，内地土地1987亩， 围垦土地455亩。箇卯有户籍人口2240来个人，外头人大概1127人。

村堂丄有瓜沥镇党山小学、社区卫生服务中心党山分中心、党群服务中心、农村文化礼堂、居家养老日间照料中心、变电站、污水泵站、银行咾啥个公共服务单位。

事体

2006年，政府强拆来夯车路湾村十五组个基督教地下教会教堂（政府讴渠违法建筑），则信基督教个老百姓发生冲突，后来有八个信基督教个萧山人畀伽抲进去判刑哋。