宋高宗
宋高宗（1107年—1187年），名字叫赵构，南宋个开国皇帝，宋徽宗个第九个儿子，宋钦宗个阿弟。原先畀封为“康王”。伊身板儿交关蓝衫，年轻个辰光好畀大弓拉得大开。高宗从当政年数、寿命等因素来讲，来搭中国历史高头侪算长个。
历史
[编辑]靖康元年十一月份，高宗收着本腊书，高头说让伊熬稍去救汴京，但是金兵南下打落来以后，宗泽同伊讲，现在国家者个套乱，好过你留来格达。噶嚜伊带了宋朝军民南渡，
建炎元年，高宗总算到了当时个杭州，该杭州原先是吴越国个国都，后手来畀宋朝灭了的，高宗就来搭格达当皇帝，再么把杭州个名字改成临安,但是要弄零清个是：当时个临安勿是京师，那个辰光不过是“行在”而已。真当个首都还是来搭汴京。建炎三年个辰光，高宗手底下两个将军造反，畀伊废了，原因么是前头高宗专门相信太监，而且巴结太监个人升官亦尽该容易，所以该两人熬不牢的。再么畀高宗唯一个亲生伢儿赵旉拥立起来当皇帝佬儿。乃末一来大家都晓得该事体不对的，连忙从各地回杭州勤王，总算畀该场事体平定了的，者个就是苗刘之乱。
高宗皇帝当了交关年份，后手来还当了几年太上皇，伊自家没儿子，畀当时亲戚秀王赵偁窝里向个二儿子收过来当养儿子，从此以后，赵家门个天下，又还畀太祖他们窝里向的。接落来，伊同儿子关系尽该好。
高宗自家认为伊来搭学宋仁宗个从政风格，但是木老老人觉得高宗比较缩手缩脚，没用場，该两种意见还要分开来讲的。绍兴二十六年，高宗自家讲：同金国讲和个政策，是朕决断底，秦桧只得巴结一记而已。咋个好因为秦桧死了的，者个和议就作废了的啊？最近一段辰光，有些儿无知个老倌，造化乱说，迷惑老百姓，过分个还有假个诏书写出来，畀老底子冤枉个人昭雪的。同公家抬槓，吾骇亦骇死的！
特长
[编辑]宋高宗交关欢喜写字儿，伊自家还讲：吾个人多少年份落来，不是性命交关个辰光，手里向支笔是含板不会得停落来的。高宗个画画儿个功夫还毛色招，伊爹徽宗皇帝就是蛮有名个画家，伊小辰光耳濡目染，自然还是学会的。《真草嵇康养生论书卷》是伊流传落来个作品。
在位年份
[编辑]1127年—1162年
年号
[编辑]建炎 1127年—1130年 绍兴 1131年—1162年
