敲檯子事件

敲檯子事件（英语：Shoe-banging incident），也叫赫鲁晓夫敲檯子事件或者赫鲁晓夫个皮鞋（俄语：Ботинок Хрущёва），是1960年10月12号勒联合国大会高头闹出来个一桩大事体。

箇日天，菲律宾驻联合国代表团长洛伦佐·萨姆朗勒发言个辰光讲个闲话，惹毛当时个苏联共产党中央第一书记尼基塔·赫鲁晓夫。赫鲁晓夫一光火，脱脱隻皮鞋，拿伊当木鱼敲檯子表示抗议。

弗过箇桩事体也有交关争议。有美国学者采访现场目击者，讲赫鲁晓夫虽然挥过鞋子，但并朆真个敲檯子。但赫鲁晓夫自家勒回忆录里倒是承认个，伊个家人搭联合国个工作人员也证明有箇回事。虽然细节浪大家讲法弗大一样，但大多数人还是相信伊真个用皮鞋敲过檯子。必过现在广泛流传个赫鲁晓夫挥鞋子个照片，其实是后期造假弄出来个——原照片里伊手浪根本呒不鞋子，是後来有人拿隻皮鞋“塞”进伊手里个。