财新传媒
财新传媒，全称财新传媒有限公司，是中华人民共和国一家提供财经新闻资讯服务个媒体机构，前身是《财经》杂志个核心团队，2009年正式独立出来勒垃北京成立个。[1]伊拉个创始人胡舒立，老早勒《财经》就蛮有名气，主打深度调查搭严肃新闻报道，政治浪向，伊拉偏自由派。[2]伊个产品有得《财新周刊》、财新网咾啥个，是国内最早搞付费墙个媒体之一，大部分文章要付铜钿才好看全文，自家勒垃2024年讲自家有得超过120万个付费用户[3]。《财新周刊》一礼拜出一趟，深度报道中国经济、金融搭仔社会大事体，欢喜挖一眼别人勿大敢碰个敏感题目。财新网每日天更新，发新闻、分析搭评论，内容偏重财经政策搭市场动向。伊拉个特点是调查报道蛮硬气，常庄曝光金融腐败、企业黑幕，吃官司也是常有介事。
参考
[编辑]- ↑ 胡舒立卸任《财新周刊》总编辑改任社长，王烁接任总编辑职. 澎湃新闻 (2018-01-09).
- ↑ “自由派”媒体接连挨打中共高层背景不再是护身符 (zh-Hans). RFI - 法国国际广播电台 (2016-10-12).
- ↑ 胡舒立：财新目前已拥有订户超过120万. 鲸平台 (2024-05-31).