賴清德

賴清德
个人资料
出生	(1959-10-06) 1959年10月6号

賴清德（1959年10月6號生），中華民國政治人物，民主進步黨籍，箇歇个中華民國總統（兼國家安全會議主席）、民主進步黨主席搭中華文化總會會長，渠當過中華民國副總統、行政院院長、臺南市市長、立法委員、國民大會代表咾啥。本來是醫師，後首來當仔陳定南競選臺灣省省長「全國醫師後援會」个總召集人咾踏進政壇。渠好幾趟當選仔國民大會代表搭立法委員，2010年當選仔臺南市市長，2014年成功連任。渠是中華民國憲政歷史丄頭一位當選總統个副總統，也是中華民國憲政歷史丄，第二個經歷過行政院長、副總統搭總統職務个政治人物。

2017年渠伊歇个總統出意外任命爲行政院院長，必過因爲民進黨垃2018年11月份个九合一選舉裏向慘敗咾，垃第二年1月14號總辭。2019年參加2020年中華民國總統選舉民進黨黨內初選，輸畀尋求連任个蔡英文。後首來當仔副總統候選人咾，垃2020年1月11號當選，同一年5月20號宣誓就任。2022年11月份，民進黨垃九合一選舉裏向貤输惨哉，賴清德補選當仔黨主席。

2023年4月12號，畀民進黨提名參選2024年中華民國總統選舉；11月20號，搭副手蕭美琴到中央選舉委員會登記。2024年1月13號，以40.05%个得票率當選總統，是中華民國頭一個有醫師背景，搭用副總統身分競選成功个總統。外加，民進黨用連續三屆執政創下從1996年中華民國總統選舉以來政黨連屆執政个頂長紀錄。