駔勉誠
（从賈格米特·辛格转戳到箇里）
| 賈格米特·辛格 | |
|---|---|
.jpg) | |
| 个人资料 | |
| 出生 |
Jagmeet Singh Dhaliwal 1979年1月2号 |
賈格米特·辛格（英语：Jagmeet Singh，旁遮普閒話：ਜਗਮੀਤ ਸਿੰਘ，全名Jagmeet Singh Jimmy Dhaliwal，1979年1月2号生），汉名駔勉誠，加拿大律师、政治人物。2017年开始当新民主党领袖，2019年到2025年当代表伯纳比南选区个国会议员。渠是一个信锡克教个旁遮普裔咾，弗单单是印度裔加拿大人个政治代表，还是头一個当选主要联邦政党领袖个貤弗是白人貤弗信基督教个政治家，。
从奥斯古德霍尔法学院毕业以后，辛格当仔一個刑事辩护律师，搭阿弟古拉坦一淘创办律师事务所。渠个政治生涯从2011年参加布拉姆利-戈尔-莫尔顿选区个联邦大选，必过输畀拉保守党对手巴尔·戈萨尔，两个人个票数倒弗是推板蛮多，同一年辛格当选箇个选区对应个安大略省省议员。2015年，渠做仔安大略新民主党副党魁，垃贺华斯手底下做到2017年。唐民凱因领导层检讨辞职后，辛格宣布参选联邦新民主党党魁，2017年10月1号以头一轮53.8%个得票率从四個候选人裏向胜出。2019年联邦大选，新民主党丢脱15個席位，从国会第三大党變成功第四大党；2021年大选只多仔1席，保牢第四大党个地位。
辛格当选个辰光，是加拿大頭一個长期領導一隻主要联邦政党个「看得见个少数族裔」（visible minority），渠以前只有魁人政團个临时党魁微微安·巴波特。渠还是安大略省头一個裹头巾个信锡克教个省议员。加拿大媒体講渠个穿着打扮老有腔调。政治丄向，渠自家认可是进步派搭社会民主主义者。
2025年联邦大选，辛格领导个新民主党碰着建党以来顶大个失败，弗单单正式政党个资格无得哉，渠自家垃伯纳比南选区也输脱哉。选举箇日夜到，渠宣布自家會得垃临时党魁选定後首辞脫黨魁个职务。[1]
参考资料
[编辑]- ↑ Jagmeet Singh gives emotional speech and steps down as leader of NDP – video (en). The Guardian (2025-04-28). 原始文档勒2025-04-29存档. 访问日脚2025-05-01.
