诸暨谈头
（从诸暨闲话转戳到箇里）
| 諸暨話 | |
|---|---|
| 諸暨談頭/諸暨言話 | |
| 母语戶蕩 | 諸暨市除馬劍鎮搭嶺北鎮，義烏市大陳鎮北部，浦江縣中余鄉少許 |
| 使用戶蕩 | 上述地方 |
| 幾許人講 | 約100萬（日腳不详） |
| 語系 | |
| 文字 | 吴语字 |
| 官方地位 | |
| 官方閑話 | 無 |
| 管理机构 | 無 |
| 閑話代碼 | |
| ISO 639-1 |
zh |
| ISO 639-2 |
chi （B）zho （T） |
| ISO 639-3 |
wuu |
诸暨谈头，也叫诸暨话、诸暨闲话，是吴语太湖片临绍小片个方言，来勒南北吴语个交汇点丄，分布搭今诸暨大部分，义乌、浦江少数地方。诸暨谈头有八隻聲調，30隻声母，39隻韵母，弗分尖团，听起来硬仗刚直，外加诸暨人喉咙粗，声音响，听起来赛过讨相骂。
一般性来讲，诸暨话同富阳话、萧山说话、山阴话，嵊县话个互通程度交关高个，同伽个划分通常依照县界。弗过往南望面，因为婺州片种南部吴语受衣冠南渡、宋室南迁等事体带嘚来个官话影响较小，外加龙门山脉搭会稽山隔开来，浦阳江水量弗足呒得大规模航运往来，诸暨话同浦江话跟义乌话个差别木老老。
马剑镇个谈头有诸暨、富阳话同浦江话过渡个性质，因为马剑镇勒在1967年前长期归浦江管辖，分类弗明确，同样年份岭北镇从东阳划畀诸暨，当地个谈头是东阳话。
特点
[编辑]复数人称、词汇双音节合并成单音节，如“尔拉n-la”合并成“倷na”，“没有mah yi”合并成“mi”。
疑问词用“是弗是”“好弗好”等，中央段个“弗”基本㢃省略，变成“是是”“好好”，有辰光可进一步省略成单字，如“饭有有喫过？”变成“饭有喫过？”。
省略字，如“愈加”省略成“加”，“愈加㽺”变成“加㽺”，“气把煞煞”省略成“气把煞”。
上述特点来另外个绍兴府方言里厢也差弗多一色个。
杭州影响
[编辑]“象”字读作jian
南部吴语留存
[编辑]“吵死叮嘣”一词保留额南吴个特点“死”，除此之外表示程度统用“煞”。
词汇
[编辑]- 我——吾/我ngou
- 你——尔n
- 他——其/渠ji
- 我们——𠊎/伢nga（阿拉个合音）
- 你们——倷na 偌nia（前者是尔拉个合音，后者是你拉个合音）
- 他们——伽jia（其拉个合音）
- 自己——自sy 头人家dei nyin ko（后者只可用于句首自称）
- 别人——别人家bih nyin ko
- 儿子——儿子n/ni tsy
- 女儿——囡no
- 老婆——老嬷lau mo
- 小孩——小人/鬼（头）shiau nyin/ciu (dei)
- 小男孩——男小人noe shiau nyin
- 小女孩——囡子头no tsy dei 女小人nyu shiau nyin
- 年轻人——后生（佬）倌ghieu san (lau) kuoe
- 爸爸——阿爹ah tia
- 妈妈——姆妈m ma
- 爷爷——爷爷ya ya
- 奶奶——娘娘nyan nyan
- 姑姑——𡟯娘n nyan
- 伯父——伯伯pah pah
- 叔父——小伯（伯）shiau pah (pah)
- 说——话gho 讲kaon 扯tsha
- 说话（动词）——扯淡tsha dae
- 吵架——讨/吵相骂thau/tshau shian mo
- 打架——打架tan kaon
- 早上——早间头tsau kaen dei
- 中午——晏ae
- 下午——晚半日mae poe nyih
- 晚上——夜（勒）ya (leh) /夜头时ya dei zy
- 明天——明朝men tsau
- 后天——后日（子）ghieu nyih (tsy)
- 前天——前日（子）zhie nyih (tsy)
- 去年——旧年（子）jieu nyih (tsy)
- 回去——回转（去）ve tsoe (khie)
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||