西德尼·斯维尼

西德尼·斯维尼
女演员
出生	Sydney Bernice Sweeney (1997-09-12) 1997年9月12号  美利坚合众国华盛顿州斯波坎
签名

西德尼·斯维尼（英语：Sydney Sweeney，1997年9月12日生）是一個美国女演员。渠垃2018年因为出演电视剧《無得一樁好事體！》（Everything Sucks!）、《使女个故事》（The Handmaid's Tale）搭迷你剧《利器》（Sharp Objects）咾开始引人注目。第二年，渠貤垃昆汀·塔伦蒂诺导演个电影《從前，有個好萊塢》（Once Upon a Time in Hollywood）裏向演仔個小腳色。

朝後去，斯維尼因为HBO连续剧《亢奮》（Euphoria，2019年到難）搭选集剧《白莲花大饭店》（The White Lotus，2021年）第一季里向个演出越加出名，还擔仔两趟黄金时段艾美奖提名。2023年，渠垃剧情片《现实》（Reality）裏向扮演蕾亚莉蒂·温纳，还主演了卖座浪漫喜剧《爱爱爱上你》（Anyone but You）。2024年，渠主演超级英雄电影《结蛛夫人》（Madame Web），还监制兼主演恐怖片《鬼圣胎》（Immaculate）。

早年经历

西德尼·伯妮丝·斯维尼（Sydney Bernice Sweeney）1997年9月12号生垃美国华盛顿州斯波坎，爷娘是史蒂文·斯维尼搭丽莎·斯维尼（娘家姓马德，Mudd）。渠拉娘老早是做刑事辩护律师个，爷是做酒店行业个。渠有一個阿弟。渠从小拉爱达荷州北面、靠近华盛顿州边境个狭地长大，蹲垃一个湖边个乡下头老屋裏向，箇幢房子已经传仔五代人。斯维尼讲过自家出身“信教个人家”。

斯维尼初中读个是斯波坎个圣乔治学堂。渠从小相信运动，渠講過：“我啥个运动全参加”，“我踢足球、打棒球、滑雪，还孛相尾波滑水”。渠小辰光孛相尾波滑水出过意外，滑水板个边沿望后一弹，擔渠眼睛旁边个皮劃破哉咾，留仔道疤。

渠对演戏感兴趣，是因为有趟斯波坎壗頭拍独立电影招群众演员，渠去试镜。为仔让爷娘同意自家演戏，渠专门做仔份五年职业规划。渠开始垃西雅图搭俄勒冈州波特兰试镜、接广告，伊歇屋里暂时蹲垃兩個地方，到渠13岁个辰光，一家門搬到仔洛杉矶。

高中裏向，斯維尼参加过机器人队搭数学俱乐部。渠從加州伯班克个布莱顿霍尔学校毕业个辰光，是班级里成绩頂好个学生子。2016年，斯威尼垃好莱坞环球影城打过一段辰光个工，接着戏约后首就辞职哉。渠还垃加州大学洛杉矶分校读过一歇歇个书。

职业经历

斯维尼暴出道个辰光先是勒垃幾部電視劇裏向客串，像是《90210》、《犯罪心理》、《实习医生格蕾》、《美少女个造话》咾啥个。2018年渠主演仔Netflix个《無得一樁好事體！》，演个是俄勒冈州高中女学生子艾玛琳·阿达里奥。后首来又出演仔HBO个迷你剧《利器》，演艾米·亚当斯个脚色垃精神病院里向认得个室友爱丽丝。本来渠个角色戏份弗算多，必过导演一直搭渠加戏。为仔演好第个脚色，斯维尼特为研究过有心理毛病搭自残倾向个丫头个案例，还跑到收治自残病人个医院去观察过。渠是两部戏一淘拍个，一个礼拜裏向工作日腳拍《無得一樁好事體！》，周末再拍《利器》。

个人生活

斯维尼2018年搭商人乔纳森·达维诺开始轧朋友，2022年正式定婚。两家头一淘合作制片，包括《爱爱爱上你》搭2024年个《鬼圣胎》，斯维尼一径擔达维诺当作自家个“制片搭档”。必过2025年，兩家頭宣布分手，原定5月份舉辦个婚礼也取消脫哉。

斯维尼是個汽车发烧友，自家动手修过一部1969年款福特烈馬搭1965年款福特野馬。伊还搭福特汽车公司合作，參加2024年特别款野马个设计。