大连西路跨线桥

大连西路跨线桥，貤叫西体育会路跨线桥，是上海歷史丄頭一隻跨過城市道路个車行立交橋车行立交桥，勒拉虹口區中部，东江湾路搭大连西路交叉口。第隻橋是1985年12月26號通車个，2012年4月20號關脱拆脫。後首来么，迭头造广中路地道来疏导相关个车流哉。

概述

大連西路跨線橋勒拉个路口伊歇是市區到吳淞地區个要道，南北方向交通比较擁堵。1983年9月份，虹口區城建辦勒拉編制地區規劃个辰光，提出造大连西路、东江湾路跨線橋。1985年，上海市市政工程管理局完成仔橋梁設計，同年9月12號動工，12月24號造好，26號（也有講法是1986年1月1號）通車。箇座桥全长377米，南到虹口游泳池门口、北到上海外国语大学大门望北50米，总共21隻孔，当中主桥长288米、主跨跨度28米。桥面阔10.0米，双向两车道。整桥装配式设计，钢结构简支梁，全部现场焊接出来个。2012年4月20号23点钟，大连西路跨线桥开始拆脱，畀广中路地道北线隧道让路。

文化

大连西路跨线桥用仔毛30年，承擔1993年东亚运动会、2007年女足世界杯咾啥个重大活动个车流疏导个生活，弗少周边居民侪想牢伊，2012年开始拆後头隻双休日脚也有市民前来送个。1992年金鸡奖“最佳儿童片”《烛光里的微笑》勒垃第隻橋取歇过景。