褚輔成

褚輔成
出生	1873年5月27号
逝世	1948年3月29号

褚輔成（1873年5月27号—1948年3月29号），字慧僧，吴越秀水（难朝归嘉興）人，九三學社發起人之一。

生平

监生出身，日本东洋大学高等警政科毕业，垃日本加入光复会搭仔中国同盟会。回国以后任嘉兴府商会总理。1909年当选浙江咨议局议员、候补常驻议员。

辛亥革命辰光参与领导起义，光复省城，任民政长。后任浙江省参议会议长，浙江军政府参事。1913年当选为第一届国会众议院议员，同年8月份畀袁世凯捉起来，袁死脱以后放出来。

1927年任浙江省政府委员兼民政厅长。虹口公园爆炸案之后，帮助韩国独立临时政府领导人金九垃嘉兴避难。抗日战争辰光任国民参政会参政员，主张抗日。1946年5月，九三学社正式成立，任中央理事。后曾任上海法学院院长。

1948年3月初，褚輔成垃上海横浜桥屋里向弗小心掼仔一跤，血压激增，睏垃床丄䟿弗起來哉，20號勉强䟿起來写仔遗嘱，29號早丄向就過世哉，享壽76岁。5月16號上海法学院、浙江省政府、九三学社上海分社、嘉兴民丰造纸厂等单位垃大上海戏院举行追悼会。黄炎培、王造时、笪移今等参加追悼会，王造时作仔讲话。追悼会後首，渠个棺材通过铁路运回仔嘉兴，葬垃嘉兴南郊南湖乡褚氏祖茔。1995年12月22号，本来个墓地征用脱哉咾，迁葬到嘉兴公墓。

研究搭纪念

嘉兴市一座“慧瑾亭”，名头是从褚辅成（慧僧）搭秋瑾两位辛亥革命先贤个名头里向各取一个字来个，亭子里向有渠拉个雕像。

2006年5月份，垃嘉兴市梅湾街76号开放褚辅成史料陈列室。

2013年5月27号，褚輔成诞辰一百四十周年，九三学社嘉兴市委组织仔一趟全国性个褚辅成先生学术研讨会。

2019年，《褚辅成生平史料陈列》出版。