袁黃

吴语维基百科,自由个百科全书
跳到导航 跳到搜索

袁黃(1533年12月26日-1606年8月14日)本来个名字叫,伊个字是坤仪学海,号称了凡。伊是明朝辰光南直隶苏州府吳江县人,但后手来伊个籍贯改到之浙江嘉兴府嘉善县。伊勒万历年代中进士,后来勒主事拾遺个位置浪当过官,还有只衔头是赠尙宝司少卿。伊交关崇拜相信佛法,来勒伊六十九岁个辰光,伊拿伊一辈子个经验体会寫成之一篇勸人向善个文章,题目是《了凡四训》,箇篇文章后来变得老有名个,到了现代还拍了电影特电视剧。

生平[编辑]

根据日本学者酒井忠夫个考证,伊拉袁家门个祖浪厢是住勒嘉兴县个陶庄(个只地方到了明朝被划到之嘉善县),勒元朝末期个辰光袁家是蛮富有个。到了明初,当时燕王朱棣发动了靖难之变拿皇帝建文帝皇位推翻了,而袁家因为特之忠於建文帝的官员有來往,伯勒燕王抄家。袁先生个祖先额角头还算高,呒没被捉起来,但只好开始逃亡到处跑,最后到了吳江 定居。

因为个只原因,到了袁黄个辰光,伊个爷勿希望伊做官,让伊学医准备做医生。但伊后来碰着一位雲南个孔先生,传之伊邵雍著个《皇极经世》,还特伊占卜算命让伊晓得一世个荣枯寿夭。袁黃就接受了孔先生个建议,放弃脱学医,来追求 功名

来勒隆庆三年(1569年)伊碰到金陵棲霞山云谷禅师,讲给伊听行善积德,改造自家命运个道理。袁黃听见之恍然大悟,伊自家起之只号自称了凡,表示伊从此明白了一个人应该拿生命用到阿里,而且有了再也勿想像凡夫一样只考虑自家屋里厢事体个志气。

勒仕途浪伊是勒隆庆四年(1570年)中举人,到万历十四年(1586年)中进士,先做宝坻个县令。后来升官做兵部下头职方司个主事。伊勒七十四岁(1606年)辰光过世。到之天啟三年(1623年),吏部尚书赵南星提出追认袁黃勒跟宋应昌带个军队到朝鲜跟日本打仗辰光立过个功劳,追赠给伊只尙宝司少卿个衔头。[1]

袁黃写个《了凡四訓》,享誉后世,到之现代还被拍成大型影视《了凡四训电影》《了凡四训电视剧》

评论[编辑]

王夫之曾经批评袁了凡对于经义的解释是识见狭小,会得引人理解错误[2]

参考文献[编辑]

引用[编辑]

  1. 《汉藉电子文献资料库-明人传记资料索引》426:袁黃,字坤仪,一字了凡,吳江人。万历十四年进士,知宝坻县,有善政,擢兵部主事。日本侵朝鲜,佐經略宋应昌军往征,多所策划,中察典免归。黃博学尚奇,凡河洛象纬律呂水利戎政,旁及句股堪輿星命之学,莫不究渉。有兩行斋集、历法新书、皇都水利、评注八代文宗、群书备考。尝导人持功过格,乡里称为愿人。
  2. 王夫之《姜斋诗话》卷下:「诗之有皎然、虞伯生,经义之有茅鹿门汤宾尹、袁了凡,皆划地成牢以陷人者,有死法也。死法之立,总緣识量狹小。如演杂剧,在方丈台上,故有花样步位,稍移一步則错乱。若驰骋康庄,取塗千里,而用此步法,虽至愚者不为也。」

书目[编辑]

  • 光緒《嘉兴府志》卷五十四
  • 光緒《重修嘉善县志》卷十九
  • 朱竹垞《靜志居詩話》卷十六
  • 袁黃《了凡四训》
  • 彭紹升《袁了凡居士传》