蟠龙（上海市）

蟠龙，貤叫盘龙、蟠龙古镇，是中华人民共和国上海市青浦区徐泾镇一隻地名，当地因为来勒盘龙港西面，故咾叫箇只名字。

历史

蟠龙镇早来勒唐代天宝年间有记载，当地元代开始叫蟠龙镇。明清两代叫作盘龙镇。嘉靖年间，倭寇拿伊烧脱，变成废墟。清代一度叫伊盘龙乡，中华民国大陆时期叫伊蟠龙镇。清代中叶，蟠龙当地形成十字形街市。当地后来又变成徐泾镇蟠龙村，2002年，蟠龙村帮罗家村合併成蟠龙小区。2008年1月10号，当地成为上海市历史风貌保护区。

2014年，蟠龙天地启动规划，2019年开始建设。2023年4月29号，蟠龙天地公开亮相，算城中村改造项目，也是长三角一体化示范区新消费示范项目，是集商业、住宅、酒店、绿地于一体个大型综合体，由瑞安集团负责建设，商业建筑面积7.5万方，公共绿地23万方。里向有香花桥、凤来桥、程家祠堂3座青浦文物保护建筑，还有滨水商区、粮仓艺术酒店。过年个辰光，蟠龙天地引进非遗技艺开展活动。