虹梅路街道

虹梅路街道是中国上海市徐汇区下头一隻街道，依据《上海市漕河泾新兴技术开发区暂行条例》第十四条第二款成立，管辖区域同漕河泾新兴技术开发区重合，面积5.98平方公里，户籍人口2.11万人（2024年）。

历史

1990年4月份，根据1988年6月7号国务院批准成立漕河泾新兴技术开发区个批文，上海市人民代表大会常务委员会通过《上海市漕河泾新兴技术开发区暂行条例》，立法确立漕河泾开发区个法律地位，规定徐汇区应勒垃漕河泾开发区设置街道办事处，箇就是虹梅路街道。

1992年，为咾解决同上海县土地共管个问题，虹南、虹星、星联村正式划畀徐汇区虹梅路街道。