虹桥镇（上海市）
虹桥镇是中华人民共和国上海市闵行区一個鎮，勒垃闵行区东北部，北到徐虹支线对过是长宁区[1]，西到上海外环高速，南面到七宝镇界搭仔徐汇区界，东面是徐汇区，镇域面积8.98平方公里，户籍人口6.88万人（2011年），外来流动人口6.98万人（2011年），人户分离人口2.74万人（2011年），外籍人士2.85万人（2011年）。
名字由来
[编辑]虹桥镇箇名字原先是蒲汇塘丄一座桥个名字，因为老底子夏天落好雨，勒垃跨塘桥丄好看到西面出彩虹哉。[2]
历史
[编辑]明清时期
[编辑]虹桥镇是明朝正德年间形成个，清朝嘉庆辰光成为虹桥市。镇北面叫北滩，塘南面叫南街[2]。
民国时期
[编辑]民国初年，店集中勒南街丄，北滩有得布庄、轧花场，全镇有32隻行业、56爿店[2]。
抗日战争里向，虹桥镇勒垃日伪“清乡”封锁线里向，市面开始冷清[2]。
上海市新泾区、西郊区时期
[编辑]1949年5月24号，中国人民解放军第三野战军第二十七军八十一师打进虹桥镇[4]，上海市军事管制委员会接管。1949年5月份开始，上海市军事管制委员会新泾区接管委员会先后设有5隻办事处，下头有6隻镇、69隻行政村、386隻自然村，箇当中有虹桥镇。
1950年6月份，因为龙华区面积忒大，虹桥镇蒲汇塘以南部分划畀新泾区，设虹桥乡搭仔新泾乡。[5]。1956年3月份，新泾、虹桥两镇帮新泾区一道撤销，并进西郊区[6]。1958年8月份，上海市西郊区诸翟、宝北、宝南、莘庄、朱行、西郊6乡，七宝镇全部搭仔虹桥、华村、上中、华漕4乡部分地区划畀上海县[7]。
上海县时期
[编辑]1958年，改成虹桥人民公社[8]。
1981年，北新泾镇、新泾公社、虹桥公社部分地共0.45平方公里（乃朝东华大学延安路校区一圈）划畀长宁区[7]。
1983年12月份，虹桥大队改成虹桥乡[8]。
1984年9月份，上海县漕河泾、龙华、北新泾3镇搭仔龙华、梅陇、虹桥、新泾、北桥5乡177隻生产队共49.98平方公里划畀上海市区[7]。1986年，勒垃虹桥乡拆出来个部分土地丄成立虹桥经济技术开发区[9]，也就是现在个长宁区虹桥街道个大部分地区。1988年，虹桥乡拆出个部分土地丄成立漕河泾新兴技术开发区，是漕河泾街道、虹梅路街道个一部分。
1992年7月份，虹桥乡虹四、西郊划畀长宁区，龙华乡、虹桥乡个虹三、虹南、星联、长春四隻村划畀徐汇区[10]。同年，上海县撤销改闵行区，虹桥乡撤乡改镇。
闵行区时期
[编辑]1994年，虹四、西郊两隻村重新划畀虹桥镇，闵行、长宁东面按照徐虹支线、西面按照沪青平公路中心线重划区界，程家桥街道、虹桥镇个边界箇老确定。[10]
1997年，龙柏新村街道成立，主要是原虹桥镇西郊村、先锋村、华光村地块，辖区包括龙柏新村、金汇花园、华光村[11][10]，2000年10月份拿航华街道吃脱，改叫龙柏街道。[12]2010年1月23号，龙柏街道正式撤销，原先龙柏新村街道管个地方侪划畀虹桥镇[13]。
2010年底，全镇112隻生产队正式撤销建制；2011年4月份，挺下来个6隻村委会也全部拆大队，侪变成城市居民哉[14]。
产业
[编辑]
20世纪80年代前，虹桥镇一度是上海市顶重要个农业基地之一，主要种板叶乔菜、牛心菜（即卷心菜）、虹桥矮脚青菜、小闸黄狼南瓜、四月慢青菜咾啥个菜，勒垃上海名气响唻[8]。
20世纪80年代以后，城市发展，虹桥镇农业比重下降；到2011年，虹桥镇彻底呒没行政村[15]:56-69，到2016年，虹桥镇个第一产业或农业、副业项目一片空白[15]:276-288。
乃朝，虹桥镇个产值主要来自第三产业，第三产业比重好超过七成，特谓是农用、工业土地置换成商务用地，造商务楼、写字楼、综合体，而且侪是原先虹桥镇各村个村办集体企业持有个，所有原先村里向个居民侪有得分红。[16][14]
虹桥镇还有得一眼工业，比方讲上海乳品二厂。
参见
[编辑]参考
[编辑]- ↑ 上海民政志 >> 第二章行政区划管理 >> 第二节 解放后区划管理. 上海市地方志办公室. 上海通网站. 原始文档勒2016-03-27存档. 访问日脚2017-08-04.
- ↑ 2.0 2.1 2.2 2.3 《上海县志》 >> 第一篇建置 >> （六）集镇、新村 >> 虹桥镇 ．上海：上海人民出版社．ISBN 7208015538．（存档，垃2017-02-27）
- ↑ 上海老地图系列-1927 ，2006年8月第1版，中华地图学社．ISBN 978-7-80031-349-3．
- ↑ 曹宏 李莉．三野档案：第三野战军 三十五、上海战役 P200 ．国防大学出版社．
- ↑ 上海县志 >> 第一篇建置 >> （三）行政区划. 上海市地方志办公室. 上海通网站. 原始文档勒2015-09-24存档. 访问日脚2019-04-20.
- ↑ 上海县志 >> 第一篇建置 >> （三）行政区划 上海市新泾区、龙华区、西郊区行政区划. 上海市地方志办公室. 上海通网站. 原始文档勒2017-02-27存档. 访问日脚2017-08-04.
- ↑ 7.0 7.1 7.2 上海县志 >> 第一篇建置 >> （二）县域 >> 境域变化. 上海通网站. 原始文档勒2016-03-04存档. 访问日脚2017-07-31.
- ↑ 8.0 8.1 8.2 上海县志 >> 第一篇建置 >> （五）乡、镇 >> 虹桥乡. 上海市地方志办公室. 上海通网站. 原始文档勒2017-02-27存档. 访问日脚2017-08-10.
- ↑ 长宁区志 >> 第四编虹桥开发区、古北新区. 上海通网站. 原始文档勒2018-06-11存档. 访问日脚2019-04-20.
- ↑ 10.0 10.1 10.2 上海民政志 >> 第二章行政区划管理 >> 第二节 解放后区划管理. 上海市地方志办公室. 上海通网站. 原始文档勒2016-03-27存档. 访问日脚2017-08-03.
- ↑ 年鉴 >> 上海年鉴1998 >> 四十三、区 >> 节 (一)综述. 上海市地方志办公室. 上海通网站. 原始文档勒2014-02-19存档. 访问日脚2017-08-03.
- ↑ 时间的刻度 历史的脚步. 闵行报社. 闵行报 (2017-10-14). 原始文档勒2017-10-14存档.
- ↑ 现场：闵行区举行新虹街道成立大会_新民网_为民分忧 与民同乐. 新民网. 新民网. 原始文档勒2017-08-04存档. 访问日脚2017-07-21.
- ↑ 14.0 14.1 闵行虹桥镇：让农民的“楼宇经济”持续增长. 闵行区人民政府网站.[链接坏脱]
- ↑ 15.0 15.1 闵行统计年鉴——2017年 ．上海市闵行区统计局．於2017-09-29参阅．
- ↑ 黄勇娣. "从村到镇，“一场静悄悄的革命”". 解放日报 (解放日报社) (2014年7月20日). Retrieved 2017-08-11.
| |||||||||||||||||