蕰川公路

蕰川公路，部分路段叫蕰川路，是中华人民共和国上海市一条南北向个路，是条省级公路。箇路江杨北路望南段是上海省道127个一部分，江杨北路望北段是346国道个一部分。箇路南起蕰藻浜，北到洋桥村接沪太公路，总长19.5公里，路阔7到14米。上海轨道交通1号线共富新村站、宝安公路站、友谊西路站、富锦路站均贴牢蕰川公路造个，南北高架路北段勒垃蕰川公路钱鑫路路口附近接地。

历史

蕰川公路1975年造个，伊辰光是乡村公路，南端勒垃纪蕰路蕰藻浜，北端勒垃罗泾镇小川沙。1976年2月份，宝山县公路管理所开始造路基，6月份开始修路面，1978年4月份造好哉。1978年3月份，有隻宝山钢铁公司建设需要个因头，按照干线公路标准拓宽改建，造仔19座永久式桥，1979年底投用。1980到1990年，造仔老蕰川路搭仔北蕰川路，1995年，道路望北延伸。2004年6月份到11月份，沈师浜桥段开工建设，并于2006年12月前竣工投用。2023年，进行了蕰川路联谊路排堵保畅工程。到2023年2月份，箇路南起蕰藻浜，北到洋桥村接沪太公路止。

高速化

蕰川公路有得高速化规划，南面到郊环蕰川立交，北面到沪苏省界。项目2022年获得批复，征地拿蕰川路河道两面绿化征脱。2023年，蕰川高速公路成为上海市人民政府市重大工程。2025年8月份启动高速桥梁上部结构施工。

路边建筑

除开共富新村站、宝安公路站、友谊西路站、富锦路站四隻地铁站，上海济光职业技术学院、百联北上海购物中心、宝钢集团宝山厂区咾啥也勒垃蕰川公路路边壗。箇路帮沪太公路、潘川路、金石路、古莲路、钱鑫路等路有路口。

公交枢纽

蕰川路丄有得蕰川路枢纽、富锦路枢纽两隻枢纽站。蕰川路枢纽勒垃蕰川路泰和路外环高架底下，共富新村站边浪。箇枢纽2002年4月份开工个，2003年底完工，2004年11月投用，里向停仔有宝山2路、宝山15路、宝山16路、嘉泰线咾啥个公交线路。富锦路枢纽勒垃杨北路蕰川公路路口，富锦路站边浪，2009年2月份造个，2011年1月份投用，里向停仔宝山6路、宝山14路咾啥个公交线路。

研究

目前对蕰川公路搭仔伊高速化个研究有两篇文献，分别是《城市化地区的S16蕰川路高速公路选线技术研究》搭仔《大型公交枢纽道路交通组织研究——以富锦路公交枢纽为例》。