蒲淞区

蒲淞区是上海浦西歷史丄隻市辖区。歷史丄区政府勒垃天山路西端新泾港边个北新泾老街。

区界东连法华区，南接漕泾区，西面是青浦县，北面是真如区，横跨吴淞江，面积有得80.10平方公里。区里向有北新泾、虹桥、江桥、诸翟、华漕、周家桥、陈家渡、曹家渡、中新泾、王满泗桥10隻镇。蒲淞区箇名字从蒲汇塘、吴淞江来个。當地原本是蒲淞镇。1912年，蒲淞鎮改成蒲淞市。民国17年（1928年），从上海縣划到上海特别市，設立蒲淞区。民国27年（1938年），日本人拿蒲淞区撤销脱，地划畀沪西区。抗日戰爭結束仔么，呒没重新设立蒲淞区，虹橋路望北設立第25區（新涇區），望南变成第26區（龍華區）。