蒋村街道（杭州市）

蒋村地铁站

蒋村街道，是吳越杭州市西湖区个一個街道。驻地杭州市西湖区文二西路818号。街道个名头来自老底子个蒋村（后首来官方名称叫蒋村村）。西溪湿地勒垃街道裏向。

历史沿革

1949年5月份，杭县设立三墩区，下頭管8個乡，蒋村歸蒋邱乡搭履泰乡。1950年5月份，杭县设立留下区，下頭管7個乡，蒋村歸留下区蒋村乡、履泰乡。1951年6月份，杭县留下区调整成11個乡，難朝蒋村个地方内有3個乡（蒋村乡、龙章乡、履泰乡）。1956年4月份，留下区撤区并乡，蒋村乡、龙章乡、履泰乡、东岳乡合併。1958年4月份，杭县撤脱，劃到杭州市郊区上泗区，下頭管8個乡，难朝蒋村个地方个东岳乡归杭州市郊区上泗区管。1958年10月份，人民公社化，蒋村个地方设立蒋村大队，归留下人民公社管。1959年3月份，经浙江省人民政府批准分别建立半山搭拱墅两個联社， 蒋村个地方归杭州市拱墅联社留下人民公社蒋村管理区。1960年1月份，拱墅联社、半山联社合併成钱塘联社。蒋村个地方是钱塘联社留下人民公社东岳管理区管个。1961年4月份，钱塘联社改成余杭县，余杭县三墩区建立，蒋村从留下人民公社分出来，建立蒋村人民公社。1984 年5月份，蒋村人民公社改成蒋村乡人民政府。1992年1月份，浙江省拆区併乡，蒋村乡併進余杭县三墩镇，後首來设立三墩镇蒋村办事处。

1996年，余杭市三墩经济区个蒋村办事处跟牢区划调整转成杭州市西湖区人民政府蒋村办事处。1996年12月30号，经过浙江省民政厅批准，蒋村办事处改成乡建制。 1997年9月23日号，蒋村乡人民政府正式成立。1998年8月19号，蒋村乡个骆家庄、五联村划出，建立西湖区人民政府文新街道办事处。

2003年，蒋村乡个登云圩行政村建制撤脱，建立登云圩社区；蒋村街居民区撤脱，新建蒋村街社区。2004年，蒋村乡包建村、王家桥村、周家村、三深村、深潭口村、蒋村村、龙章村、杨家埭村、双龙村、合建村撤脱，新建包建社区、王家桥社区、周家社区、三深社区、深潭口社区、蒋村社区、龙章社区、杨家埭社区、双龙社区、合建社区。

2007年，蒋村乡登云圩社区划畀文新街道办事处管，蒋村乡建制撤脱，设立蒋村街道办事处，调整以后，蒋村街道办事处下头有12個社区、1個行政村，街道办事处驻地弗变，原得勒文一西路788号。到2015年12月份，蒋村街道下頭有府苑、西溪、蒋村花园、仕林、竞渡、诚园、蝶园、西溪里介8個社区，搭包建、王家桥、周家村、三深、深潭口、蒋村、龙章、杨家埭、双龙、合建、西溪介11個经济合作社。

行政区划

蝶园社区、诚园社区、竞渡社区、仕林社区、蒋村花园社区、府苑社区、河滨社区、西溪里社区