菱湖天主堂
歷史
[编辑]光绪二十八年（1902年），创立菱湖天主堂，归湖州天主堂主管，传教范围是菱湖、洛舍、戈亭、千金。[1]天主教堂设拉赵家弄底，箇块地方介歇叫天主堂路。[2]
菱湖天主教是湖州天主堂管理个，里向有一個神父，管理教堂，主持传教；一個先生（也叫副祭），相幫神父管理教堂；一個师母，着落神父，管理伙食；一個学生，办理杂务。开始辰光无得神父，是一個姓史个先生（是中国人）主持个，抗战之前是从双林沈家兜转过来个沈梅卿主持。抗战个辰光活动停脱来嘚。[2]1947年，爱尔兰人雷振远神父主持，[3]先生是许阿逵（许兆荣）。[2]爱尔兰神父做嘚一年，1948年到上海去看毛病嘚，后歇来就回国去嘚。1949年调来神父杨尹耕，先生陆迎宝（无锡人，弗得几许辰光就跑脱嘚）。1951年，杨尹耕到湖州成立三自革新委员会（自信、自治、自传），菱湖堂维持弗脱去嘚咾，调到南浔去嘚。箇辰光菱湖个教友少，弗曾成立三自委员会。[2]
勉强“解放”个辰光菱湖教友只有廿来个人，基本丄全是女人家搭小人，弗活动。成立嘚堂务委员会，拉教友里向推选出沈莲芳、王伟才、章毓英、章瑞英四個人负责。到2003年再拉莫鼐弄设立教堂。[2]