菰城村

菰城村
—  村  —
省	浙江
市	湖州
區	吳興
乡	道场乡

菰城村，是浙江省湖州市吴兴区道场乡个一隻行政村。

历史

菰城村是原来个云巢村搭云一村合并来个，名字是从村裏向个下菰城遗址来个。考烈王十五年（前248），春申君黄歇有许介歇个菰城村筑城为都，置“菰城县”。

民国元年（1912），撤道废府，乌程、归安二县合并成“吴兴县”，菰城村归吴兴县。民国35年（1946），金盖、何衡两乡合并成云巢乡。1949年，云巢乡人民政府建立。1958年8月，吴兴县撤销乡镇建制，下辖行政区划是管理区、生产大队搭生产小队。菰城村归云巢人民公社云巢管理区。1993年，湖州市设城区、南浔区、菱湖区3隻派出区，云一村搭云巢村全归城区云巢乡。1999年，云巢乡搭道场乡合并成道场乡。2001年6月，云巢村搭云一村个一部分自然村合并成菰城村。

概况

菰城村东临东苕溪，北靠金盖山。菰城村下頭有15隻自然村：原云巢片个陶湾、施倪陆（陆家湾、倪家塘、施家塘）、张清、龙湾、吴沈门；原云一片个下泉埠、窑头村、傅家田、下钮村、史家坝、湾里、方元田、冠路村、高岭村搭朱家庄。2023年《浙江省标准地名录》寫菰城村面積13.7平方公里，人口2232個人。

村裏向有国家级文保单位1处（下菰城遗址），省级文保单位1处（纯阳宫），市文保单位2处（陆家山明墓、下钮村人民公社大会堂），市文保点13处。