菀坪社区

菀坪社区，是苏州市吴江区横扇街道隻社區。菀坪社区到吴江市区9公里，到横扇社区12公里，辖区面积3.5平方公里。到2019年6月30号，菀坪社区户籍拢总有4651人，1817户，外来常住人口约莫1万人，物业小区6個1135户，无得物业个小区37個892户，7個生产组290户。社区裏向有企事业单位700多家，1隻大型农贸市场，5隻大型超市，400多爿各式個體商店，30多個餐饮服务网点。

历史沿革

1958年9月25号，成立菀坪人民公社，因为公社管理机构设勒万平村咾，取名“菀坪”，村也改名菀坪新村（就是后歇来个集镇）。1983年7月份，改成菀坪乡。1994年5月18号，乡撤脱建立菀坪镇。2003年12月，横扇镇搭菀坪镇撤脱，合并成立新个横扇镇，菀坪集镇变成功菀坪社区。2012年，横扇镇并进松陵镇，2018年，松陵镇撤脱，菀坪社区划畀分出来个横扇街道。