荷属安地列斯解体

荷兰王国地图

原荷兰王国勒垃加勒比海个自治国荷属安的列斯勒垃2010年10月10号开始正式解体。

荷属安地列斯解体经过多年个谈判，曾定下2007年7月1号、2008年12月15号两隻目标日脚，必过後来定勒2010年10月10号解体。

原先五座岛屿里向，顶大个两座岛屿库拉索与圣马丁成为荷兰王国个构成国家（自治国），实行自治，帮荷兰本土搭仔1986年从荷属安地列斯离开个阿鲁巴地位平行，有得伊拉自家独立个议会、政府、首相咾啥个。另外三座小岛博奈尔、圣尤斯特歇斯搭仔萨巴合稱BES岛，变成荷兰特别行政区，荷兰直接管理。箇表明迭三座岛会得一道施行荷兰法律搭仔欧盟法律。