伊丽莎白（奥地利皇后）
（从茜茜公主转戳到箇里）
伊丽莎白·阿马利亚·欧根妮（德文：Elisabeth Amalie Eugenie，1837年12月24号－1898年9月10号），出身巴伐利亚，是奥地利皇帝弗朗茨·约瑟夫一世个娘子。渠16岁成为奥地利皇后，弗过弗大欢喜过正经个宫廷生活，反倒欢喜鼓吹自由，外加多愁善感。1870年代之后经常一个子跑到各处旅游薄相。1890年代自家个儿子鲁道夫自裁之后，伊丽莎白精神崩溃，1898年在日内瓦匿名旅行个辰光，畀一个意大利无政府主义个恐怖分子杀脱哉。故脱之后，形象反而越加行起来，1950年代，通过电影塑造，成为著现代流行文化当中个有名人物，名气傍自家个丈夫还要响。