苧東村
| 苧東村 | |
|---|---|
| — 行政村 — | |
| 省 | 浙江 |
| 市 | 杭州 |
| 區 | 蕭山 |
| 鎮 | 臨浦 |
苧東村，是吳越浙江省杭州市蕭山區臨浦鎮个一隻行政村，東面則北面則所前鎮搭界，南面到通二村，西面到白鹿塘村。[1][2]
歷史
[编辑]原汀聯村：1949年5月份之後歸苧東鄉，合作化介節是邱關興高級農業社，公社化之後歸臨浦公社苧東管理區邱關興大隊。1961年分成邱家橋、汀頭王則汀頭沈三隻大隊，歸通濟公社。1965年則汀頭王合併成汀聯大隊，歸通濟公社。1969年併到所前公社。1971年重番歸通濟公社。1984年設通濟鄉汀聯村民委員會。1992年5月份歸臨浦鎮通濟辦事處，1998年5月份開始歸臨浦鎮。[1]
原邱家橋村：1949年5月份之後歸苧東鄉。1952年辦起蕭山縣頭一隻邱興關農業社。公社化之後歸臨浦公社苧東管理區第一生產隊。1961年歸通濟公社。1969年併到所前公社。1971年重番歸通濟公社。1984年設通濟鄉邱家橋村民委員會，1992年5月份歸臨浦鎮通濟辦事處。1998年5月份開始歸臨浦鎮。[1]
2005年5月份，原來个汀聯、邱家橋兩隻行政村合併成苧東村。[1][3]
基本情況
[编辑]苧東村来夯臨浦東北角丄，則本鎮个白鹿塘村咾，所前鎮个袄庄陈、东复、山里王村搭界。村裏向有433份人家，1600個人，地350多畝。[3]
自然村
[编辑]- 邱家橋：來夯村西北面，村裏人姓邱，村堂前頭有橋，介咾呌邱家橋。則邱家塢同祖。民國《蕭山縣志稿·疆域·村落》裏向有記載邱家橋村名。20世紀30年代歸四都一圖。2014年左右有338個人。
- 莊裏王：來夯村西北面。民國《蕭山縣志稿·疆域·村落》裏向有記載莊裏王村名。2014年左右有130個人。
- 任家：來夯村西面。20世紀30年代歸四都一圖。2014年左右有103個人。
- 汀頭沈：來夯村東面，是從沈家渡分出，來到丄个，村堂來夯水邊高地丄，介咾呌汀頭沈。民國《蕭山縣志稿·疆域·村落》裏向有記載汀頭沈村名。20世紀30年代歸四都一圖。2014年左右有585個人。
- 汀頭王：來夯村當中。民國《蕭山縣志稿·疆域·村落》裏向有記載汀頭王村名。20世紀30年代歸四都一圖。2014年左右有353個人。[1]