苏里南

苏里南共和国（荷兰语：Republiek Suriname），一般性叫苏里南（Suriname），老底子称洵南，南美洲荷兰语国家，首都是苏里南河河口个帕拉马里博。

箇隻國家本來是荷蘭勒拉南美洲个殖民地，1954年个辰光成为荷蘭王國个構成國之一（搭荷蘭本土平等），1975年独立。弗管是面积還是人口排名，蘇里南全是南美洲頂小个一隻國家。西半球講荷蘭語个國家或者地區，只有蘇里南弗是荷蘭王國个一部分。

苏里南种族、閒話、宗教丄全蠻多元，有印度裔、荷兰裔、各種黑人族裔、客家人；宗教有基督新教、罗马天主教、印度教、伊斯兰教咾啥个，搭另外个美洲国家一样，主体是基督宗教，必过伊斯兰教徒人口占苏里南个13%，比例勒拉所有美洲国家里向是顶高个。