龙门书院
（从苏松太道立龙门师范学校转戳到箇里）
龙门书院是上海道台丁日昌勒垃1865年（清同治四年）个辰光勒垃上海开个学堂。1867年（同治六年），道台应宝时拨款1万两银子，勒垃吾园（乃朝个尚文路龙门村）造仔讲堂、楼廊、学舍41间。1876年（光绪二年），道台冯光拨款，增加10间校舍。
书院头一期录取20名学生，後首来每年录取住读生30名。书院请出名个学者来当老是，比方讲刘熙载就做过书院山长。1905年（光绪三十一年），清朝拿科举制度废脱仔么，书院改成苏松太道立龙门师范学校，增加31幢房子。1912年（民国元年），改名江苏省立第二师范学校，1927年帮江苏省立商业学校合并成为江苏省立上海中学。
龙门书院旧址勒垃1935年变成龙门村，乃朝是上海市优秀历史建筑。