苏州趣普仕足球俱乐部

苏州趣普仕足球俱乐部，是一支中国已解散个足球俱乐部，2004年1月份成立个，是苏州市第一家职业足球俱乐部，主场设勒苏州市体育中心。2009年，苏州趣普仕畀宁波华奥吃脱。

历史

2004年1月份，苏州趣普仕俱乐部成立，勒垃当年中乙联赛南区里向获得第7名。05赛季因为资金问题，只打仔一场比赛就宣布退出哉。

2006年8月份，前中国国家足球队队长、亚洲足球先生范志毅加盟俱乐部做技术总监外加主教练，必过因为俱乐部劳资纠纷，替球员追讨工资个范志毅帮俱乐部管理层产生矛盾，畀俱乐部集体开除。

2008年2月份，苏州趣普仕帮镇江中安合併，俱乐部名称改叫苏州趣普仕中安足球俱乐部。球队勒垃08年中乙南区只有第5，呒没进升级淘汰赛阶段。

2009年，苏州趣普仕整队并进宁波华奥。