花江峡谷大桥

花江峡谷大桥

花江峡谷大桥是中国贵州省一座公路悬索桥，横跨北盘江，横穿花江峡谷，长2,890米（9,482英尺），最大跨度有得1,420米（4,659英尺）。箇桥从桥面到水面高625米（2,051英尺），造好个辰光超过横跨同一条河上游个北盘江第一桥，成为世界上桥面顶高个桥。箇桥2022年1月18号正式开工造个，2025年1月17号合龙个，同年9月28号正式造好通车个。

花江峡谷大桥个猫道是施工便道，单边全长2300米，最高点离开水面780米，是世界顶高、贵州顶长个猫道。

花江峡谷大桥是贵州省桥旅融合示范性项目工程，想仔搞“桥梁观光+桥梁运动体验+旅游服务”为一体个桥旅融合综合体，打造贵州桥旅融合3.0样板，计划勒垃峡谷底造隻极限运动中心。