色情餵奶

故事《羅馬人个慈悲》讲个是一個女儿用自家个奶餵渠拉爷

色情餵奶（英语：erotic lactation）讲个是吮女人个奶奶來引起性興奮，也好叫成人喫奶、成人餵奶。

生理

奶奶，特別是奶奶頭，是男人咾女人全有个高度性敏感个部位。對女人奶奶頭搭奶奶个刺激，基本丄是人个性行爲裏向普遍个現象，必過男人个奶奶頭朆受着过第能个性化。靈長類動物裏向只有人是勒垃青春期後頭，雌性个奶奶會得永遠變大个，另外个靈長類物種个奶奶只會得垃拖身體咾餵奶个辰光變大。1967年提出个一種假說講，靈長類動物開始直立走路後首，奶奶作爲屁股勒垃正面个對應部位變大，來吸引雄性。另外个假說還有：奶奶齊巧好畀毛毛頭个頭當隑身、奶奶是生育能力个信號，或者是喫奶个辰光好拿毛毛頭个頭墊高咾弗會得氣悶煞。但是也有一种学派講奶奶是进化个缺陷，实际丄向可能会得讓毛毛頭喫奶个辰光氣悶煞。第能樣子个快感搭营养个搭界也适用於嘴唇皮，可能就是第种快感讓人发展出“打開司餵小人”（娘拿喫个物事嚼好以後餵畀小人）个行爲。

有研究證明各種形式个奶奶頭刺激全好相幫降低乳癌个风险。

歷史

有眼婊子店裏向會得收鈔票讓人喫剛剛生過小人个女人个奶奶。2013年到2014年，中国媒体报道仔“成人奶娘”个非法交易：根据报导，中国交关城市全好提供第种成人奶娘个服务，勒垃网丄向约好哉以后，就好搭“奶娘”勒垃宾馆见面，交仔钞票以后就好喫渠个奶奶。报道讲，有眼奶娘还提供性服务，公安个人表示，奶娘提供性服务咾进行性交易涉嫌卖淫嫖娼，成年喫奶末，法律丄倒無得搭界个具体规定。