良渚遗址
| 良渚遗址 | |
|---|---|
 良渚古城莫角山遗址土台 | |
| 全国重点文物保护单位 中华人民共和国国务院公布 | |
| 所在 | 浙江省杭州市余杭区、湖州市德清县 |
| 分类 | 古遗址 |
| 时代 | 新石器时代 |
| 编号 | 4-8 |
| 登录 | 1996年 |
|
| |
 | |
|---|---|
| 联合国教科文组织认定个世界遗产 | |
| 基本資料 | |
| 编号 | 1592 |
| 注册类型 | 自然遗产 |
| 评定标准 | 自然遗产{{{criterion_n}}} |
| 注册历史 | |
| 注册年份 | 2019 |
|
* 名称依据世界遗产名录注册。 ** 地区以联合国教科文组织所划分为准。 | |
良渚遗址勒垃中国浙江省杭州市余杭区良渚街道、瓶窑镇，部分勒垃湖州市德清县下渚湖街道里向[1]，是良渚古城遗址搭仔伊周围一圈个遗址群，总面积34平方公里，遗址是公元前3300年到公元前2000年个[2]，是新石器时代文化遗址[1]，当中良渚古城遗址是良渚文化里向顶重要、顶有代表性个遗址，大家叫伊“中华第一城”[3]。良渚遗址是实证中国五千年文明史个辰光挖出来个规模顶大水平顶高个一隻地方，改变过去对中华文明起源个辰光、方式、途径咾啥个重大学术问题个认识[3][4]。
1994年，良渚遗址进仔中国申报世界文化遗产预备名单。1996年，伊进仔第四批全国重点文物保护单位。2019年7月6号，进仔世界遗产名录[5]。
地名来历
[编辑]良渚老底子叫「梁渚」[6]，可能是从「梁（家）嘴」来个，箇可能是梁家门勒垃赛过隻嘴巴成样凸出个地方住。外加当地言话里向，“嘴”帮“渚”发音差大弗多，可能就演变成箇隻地名。
自然环境
[编辑]地形
[编辑]良渚遗址区勒垃丘陵平原过渡个地方，是浙江八大水系个东苕溪个冲积平原。东天目山余脉勒垃余杭区彭公乡附近分出南北两支往东跑，拿良渚遗址保护勒当中。良渚-庙桥港搭仔东苕溪经过遗址区，形成两山夹两河个环境。东苕溪作为分界线，东面是冲积平原，西面是丘陵山地，地势西高东低。
气候
[编辑]亚热带季风气候，光照交关，年均气温16℃，年降水量1258.8毫米，主要种水稻、小麦咾啥个农作物。
历史
[编辑]发现
[编辑]良渚遗址1936年发现个，伊辰光西湖博物馆工作人员施昕更勒垃现在老和山附近挖古荡遗址，发现伊面出土个物事长唻帮伊屋里向良渚伊𡍲出土个长唻差大弗多，故咾经过西湖博物馆同意支持，勒垃1936年12月份到1937年3月份里向，勒垃良渚一带进行三趟试掘，发现茅庵里、棋盘坟咾啥个12隻遗址。出土个陶器里向有帮伊辰光山东龙山文化伊面出土个一样个黑陶。箇桩事体是长江下游考古个开篇[7]。後些来，勒垃太湖周边，弗断发现黑陶、磨光石器、精致玉器为代表个新石器文化遗迹，伊帮龙山文化个差异也慢慢交明显。
命名
[编辑]1959年，中国社会科学院考古研究所研究院考古学家夏鼐叫伊“良渚文化”。
世界文化遗产
[编辑]
2019年7月6号，良渚古城遗址因为符合基准（iii）、（iv）畀列进世界文化遗产里向[8]：
- 标准（iii）：良渚遗址作为良渚文化个权力中心、信仰中心，是中国新石器时代晚期长江下游箇地方里向，稻作农业为经济基础、社会分化、信仰统一个早期区域国家个见证。伊勒垃中国新石器时代晚期、青铜时代早期个文化认同、社会组织、政治组织、社会文化发展浪提供无与伦比个证据。
- 标准（iv）：良渚考古遗址展示从小规模个新石器时代社会往有得等级制度、礼仪制度、玉器制作工艺个大型综合政治单元个过渡。伊还有得早期城市化个特色例子，具体是土制建筑、城市、景观规划、墓葬差异体现出个社会等级制度、空间组织个社会文化战略、权力个物质化。伊代表五千多年前个伟大成就，也是早期城市文明个特色典范。
2020年6月份，杭州市人大常委会决定拿7月6号（良渚列进世界遗产名录个日脚）定成“杭州良渚日”[9]。
遗址分布
[编辑]良渚遗址群个分布范围北到天目山余脉大遮山丘陵南面山脚，南到大雄山、大观山丘陵，西起瓶窑镇毛园岭，东到良渚近山，东西毛11.5公里，南北阔7公里。根据《良渚遗址保护总体规划》个保护范围，面积约莫42.04平方公里，里向有得135隻遗址；重点保护区面积13.47平方公里。遗址是隻相对独立个共同体，必过当中个关系挖出来弗少。多数遗址是较长辰光里向经过连续或间断个文化活动累积形成个，也有小部分，比方讲莫角山大型基址、反山贵族墓地，是经过特谓规划、短辰光里向修出来个[10]。
良渚遗址分布面积大、遗址点密、文化内涵丰富，遗存种类多样，以莫角山为中心，姚家墩、庙前咾啥个是次一级中心，形成中心聚落、次中心聚落、普通聚落个级差式格局。
城址
[编辑]城址是良渚古城遗址个核心，好分成宫殿区、内城、外城，占地面积881.45公顷[1][11]。宫殿区毛0.39平方公里，有得内城中心个莫角山台地搭仔伊南面个皇坟山台地、池中寺台地，当中莫角山台地整体是长方形个，东西长670米、南北宽450米，高9—15米，面积30公顷[12]。台地是人堆起来个[1]。内城是圆角长方形，总面积约300公顷，外头一圈是阔20-60米个城墙。外城面积约500公顷，有得17处断续分布个人工台地。城里向个台地个堆筑高度从宫殿区、内城到外城一步步降低，显示出等级秩序[1]。
瑶山遗址
[编辑]瑶山遗址勒垃城址东北面毛5公里，占地面积66.56公顷[1][11]。瑶山墓地是高等级墓地，里向有得隻正南北方向，方形个祭坛，是举行重大祭祀活动用个。瑶山个坟头勒垃祭坛南面，分两排，侪是长方形竖穴土坑墓，头朝正南[1]。瑶山墓地也帮天文观象测年有关系[13]。
谷口高坝
[编辑]谷口高坝是良渚遗址外头水利系统个一部分，勒垃城址西北个大遮山山脚，占地面积136.41公顷[1][11]。水坝有得6条，好分成东西两组，侪拣山谷顶狭个地方修个，坝体长约莫50-200米，高10-15米，分别封脱隻较大个山谷[1]。
平原低坝-山前长堤
[编辑]平原低坝-山前长堤是良渚遗址外圈水利系统个一部分，占地面积349.24公顷[1][11]。平原低坝勒垃谷口高坝南面毛3.5公里个山里向，长35-360米，高约6米。山前长堤也叫塘山遗址，勒垃良渚古城北面个大遮山山前，全长约5公里，从东往西拆分成三段，是东西走向个曲尺形，宽20-50米，高2-7米[1]。
|
参见
[编辑]参考
[编辑]- ↑ 1.00 1.01 1.02 1.03 1.04 1.05 1.06 1.07 1.08 1.09 1.10 遗址概况. 良渚遗址. 原始文档勒2020-04-21存档. 访问日脚2019年7月6号.
- ↑ 良渚遗址. 浙江在线 (2006年5月18号).
- ↑ 3.0 3.1 良渚遗址保护 “大考”80年！. 中国考古 (2016年11月7号).
- ↑ 重识中国文明 朱金坤：让良渚文化再活个五千年. 人民网 (2009年6月17号). 原始文档勒2020-06-04存档.
- ↑ 刚刚，“良渚古城遗址”成功列入《世界遗产名录》！. 中国日报 (2019年7月6号).
- ↑ 潮评丨以良渚之名_杭州网. news.hangzhou.com.cn.
- ↑ 朱金坤（2010年）．《湮灭的古国故都 良渚遗址概论》 ．杭州：西泠印社出版社．ISBN 978-7-80735-800-8．
- ↑ 中国良渚古城遗址获准列入世界遗产名录. Xinhuanet.com. 访问日脚2019-07-06.
- ↑ 郑海云 (2020-06-20). 杭州良渚日、杭州西湖日 杭州人多了两个新节日 - 杭州网新闻频道. 杭州网.
- ↑ 杨法宝（2008年5月）．《良渚文化简志》 ．方志出版社．
- ↑ 11.0 11.1 11.2 11.3 Maps - Archaeological Ruins of Liangzhu City. UNESCO (2019年7月6日).
- ↑ 良渚遗址介绍. 浙江在线 (2018年11月28日).
- ↑ 良渚遗址：实证中华5000年文明史. 中国社会科学网 (2018年7月19日).
