费尔南多·托雷斯

出自维基百科,自由个百科全书
(从肥男肚·托雷斯转戳到箇里)
Fernando Torres Spain

肥男肚·托雷斯(西文:Fernando José Torres Sanz,1984年3月20号-)是出身西班牙马德里个足球运动员。伊从小支持马德里竞技队,10岁辰光就立在马德里竞技个少年队踢球,长大后,升入马德里竞技一队。因为2001年球队降级,大量原先个主力出走转会,所以伊也破格坐稳主力位置,老快就成为球队个队长。2003年球队重新升入西甲之后,伊个位置更加稳固并且成长成一流前锋。2007年,伊转会到英格兰个利物浦足球俱乐部,立在利物浦获得成功并同时帮助西班牙国家男子足球队夺取欧洲杯冠军。弗过,因为想拿到更多荣耀,伊2010年加盟切尔西足球俱乐部。之后遭遇邪气多个麻烦,弗过,立在国家队还是好继续稳定发挥并获得2010年世界杯冠军搭2012年卫冕欧洲杯冠军。2014年托雷斯去意大利个豪门俱乐部米兰体育会效力,想寻到状态,弗过半个赛季还是神志呒知像梦游一样,就顶进去一个头球。2015年1月,托雷斯返回自家个母队马德里竞技,之后,从替补重新打起,到2016年重新焕发青春,半个赛季打入超过10个进球,表现优异,并立在2016年5月获得马德里竞技个续约。