耶和華葉徠
.jpg)
耶和華葉徠[1]（1899寧波羅馬字本：Yiæ-ʽo-wo yih-læ，希伯來文：יְהוָה יִרְאֶה，YHWH yirʾeh，英語欽定本：Jehovah-jireh），是《聖經》裏丄神个一隻名頭，也是耶和華要亞伯拉罕上去摩利亞山獻祭兒子以撒樁事體發生个場許。頭一埭出現扗《創世記》22:14。
名頭由來
[编辑]隻名頭是從《創世記》第22章裏丄亞伯拉罕奉耶和華 神命令要擔自家兒子以撒獻祭畀佢，後首來又喊天使來擋牢佢迭個故事來个，故咾，後首亞伯拉罕就謳箇塊場許「耶和華葉徠」，意思是「耶和華必有預備」。
搭界个經文
[编辑]……九伊拉到之 神所指點个地方、亞伯拉罕拉伊塊、築之祭壇、擺好之柴、捆綁伊个兒子以撒、放拉祭壇个柴上。十亞伯拉罕伸手拏刀、要殺伊个兒子。十一耶和華个使者、從天上喊伊咾話、亞伯拉罕呀、亞伯拉罕呀。伊話、我垃裏。十二 神个使者話、勿要放儂个手拉小囝身上、也勿要對伊做啥、因爲儂勿愛惜儂个獨養兒子獻奉撥我、所以現在我曉得儂是怕懼 神个。十三亞伯拉罕𢳚起眼睛咾、又看見背後有一隻雄羊、伊个角𫥢住拉興个小樹當中、就去擔伊隻羊來、代替伊个兒子獻做燔祭。十四難末亞伯拉罕題伊塊地方个名頭、呌耶和華葉徠、直到現在還話、拉耶和華个山上、必有預備个。
— 《創世記》22:9-14，1908上海閑話漢字本原文
解讀
[编辑]有星猶太學者覺着箇段經文暗示仔迭隻戶蕩个重要性，後來个所羅門聖殿（第一聖殿）。
约翰·加尔文講到「神弗單單是眷顧佢个子民，還會得讓自家个幫襯畀佢拉顯現。」[2]
約翰·衛斯理搭馬太亨利更加是接丄講，箇「作興就是扗許講挨下來神會得道成肉身（基督教）。」[3]
參考
[编辑]- ↑ 上海話1908漢字本譯名
- ↑ 约翰·加尔文, Commentary on Genesis 22:14 （CCEL線丄）
- ↑ Commentary on Genesis 22:14（CCEL線丄）