老鼠沙（崇明）

老鼠沙，是原底子崇明島西面个一隻沙島，後首來脫崇明島連牢特，那末是崇明區绿华镇。

老鼠沙包括老老鼠沙、西阴沙、东阴沙搭拦门沙，因为勒垃常熟白茆港对过，白茆搭白猫谐音咾，对过个沙就叫老鼠沙特。

廿世纪六十年代中叶脱崇明岛本岛连牢特。1968年到1970年，对老鼠沙进行过好几趟围垦，围垦个地当作渔业大队搭芦草办事处个副业基地。1971年春場裏，三星、海桥、合作、城东4個人民公社勒老鼠沙围垦，围地7488亩。同一年秋場裏，县委决定大规模围垦老鼠沙，建立围垦办公室。参加围垦个有三星、海桥、庙镇、合作、江口、城桥、港西、城北、城东、建设、大同、新河、新民、竖河、大新、堡镇、马桥介17個人民公社个32000多個民工。大堤工程1972年4月份竣工，從新河人民公社老垦区西南角向东，经拦门沙、西阴沙、老老鼠沙、东阴沙接三星人民公社南沿，全长17359米，还有7個拦港大坝，共總长2078米。

圍墾以後勒箇裏建立崇明县新建副业场，後首來改名崇明绿华农工商联合公司，1984年3月份建立绿华乡。