老虫

老虫，又叫老鼠，是一种动物，生物学高头是属于啮齿类个一个总科（Muroidea），包括仔仓鼠、沙鼠、大鼠、小鼠搭仔其他搭界个动物。伊拉勒海南极以外个大陆侪有得分布。眼门前还吃大弗准不同种类个老虫之间个关系，葛末有眼文献就亨八冷打拿所有老虫侪摆到鼠科（Muridae）下头。按照现在分子种系发生学个研究，老虫大概有280个属搭仔顶少1300个种。像伊拉搿种搭人个联系邪气紧、同时又繁衍了邪多的动物是蛮少个。基本高头每个国家侪有得老虫，某些老虫还是交关重要个生物学模式生物，对人个实验搭研究有老大个帮助。另外有眼老虫还好当仔宠物来养。