罗拉快跑

《罗拉快跑》（德語：Lola rennt，英语：Run Lola Run）是1998年个一部德国电影。由汤姆·提克威尔自编自导，弗郎西丝卡·波坦特、莫里茨·布雷布特罗伊几個主演。

故事里向，罗拉、曼尼是柏林个一对廿几岁个年轻爱人，当中曼尼是隻小瘪三。有一天，罗拉接到仔男朋友曼尼个电话，伊急煞特讲要是廿分钟里向寻勿着十万马克，自家就要畀人家做脱。罗拉只好拼老命奔啊，想尽办法帮伊凑钞票。不过每趟选择有一眼眼勿一样，结果就完全两样哉，必过每趟罗拉死脱，剧情侪会得重新开始。

电影分仔三段式结构，拿老底子个直线式讲故事方式掼脱，用剪辑手法搭蹦蹦跳个电子音乐，讲“爱情大过天”个道理。片子个内容搭风格侪学电子游戏个腔调，也反映人活勒世界高头就是碰碰额角头，命运么捉摸勿透，人生总归是七荤八素。