绿波廊酒楼

绿波廊酒楼是中华人民共和国上海市一家餐馆，勒垃豫园、上海城隍庙个九曲桥当中，招牌是上海菜、上海点心、鱼翅、蟹宴咾啥个，现在伊是豫园股份子公司上海老城隍庙餐饮（集团）有限公司下头个企业。

绿波廊酒楼现在箇地方原本是座叫六步廊个茶馆。1958年前后，六步廊生意弗好倒闭脱，建筑变成货品堆棧。1973年，勒垃中国流亡个柬埔寨国家元首诺罗敦·西哈努克到上海参观游览，南市区饮食公司调集包括苏帮点心泰斗陆苟度个名厨师，勒垃豫园箇地方畀西哈努克上仔十四道点心。1979年，廖承志勒垃上海参观个辰光听说箇事体，提议开爿餐厅、集中电信、搞出特色，成为人才培训基地，故咾货品堆棧拆脱，修仔现在个新建筑来开餐厅，叫伊绿波廊。1991年，绿波廊扩建仔么改名绿波廊酒楼。1998年，美国总统比尔·克林顿来上海访问个辰光来过绿波廊。柬埔寨国王西哈努克也来过箇饭店喫饭。