统里村

统里村
—  行政村  —
省	浙江
市	湖州
縣	安吉
鄉	报福

统里村，是浙江省湖州市安吉县报福镇个一隻行政村。

统里村地来咚报福镇个东南部，南天目山个西面山脚，东面搭上墅乡搭界，南面是沈家山，西面是报福镇区搭景溪村。统里村到县城30公里，村域面积23.8平方公里，耕地面积1200亩，山林面积28000多亩，裏向毛竹山1500多亩，茶山100多亩。下头有9隻自然村，41隻村民小组。

歷史沿革

宋、元个辰光归安吉县广苕乡；明朝弘治二年（1489年）分立孝丰县个辰光归东南区广苕乡上扇；清朝归孝丰县广苕乡上扇孝图。清朝乾隆之前，村还叫同里庄，有桥，桥碑还来咚；后歇来因为村坊来咚统溪裏向咾， 改叫统里庄。咸丰、同治年间因为长毛造反，人口少脱木牢牢，之后大批移民搬过来，裏向台州人顶多。 1949年秋天公归金苕区，叫统里村；1950年春天公，归紫岭乡；1955年，归报福乡；1956年，建统里高级社；1958年10月份，叫统里生产队，归安吉县报福公社报福管理区。1961年9月份，叫统里大队，归报福公社；1984年，叫统里村，归报福乡。

自然村

箇歇裏有九隻自然村：观音堂、小沟坞、二房里、三房里、中村、白坎坞、山边、统里寺、长脚岭