紹索爾
紹索爾（英语：Southall，國際音標：/ˈsaʊθɔːl/；旁遮普閒話：ਸਾਊਥਾਲ），是英國西倫敦个一隻大型郊區城鎮，屬於伊靈區，是箇隻區七隻主要城鎮之一。
紹索爾拉查令十字望西10.7英里（17.2公里）个場許，到2011年，人口爲69,857人。[1]箇个地區一般性分成三個部分：以瑪格麗特夫人路（多默井）爲中心个大部分住人區；以高街搭紹索爾百老匯（屬於更加大个阿克斯布里奇路）爲主个商業中心；搭南壗个老紹索爾／紹索爾格林，包括紹索爾火車站、工業區搭諾伍德格林，以M4高速公路爲界限。
歷史丄向，紹索爾是米德爾塞克斯郡个一隻自治市鎮，是歸紹索爾鎮政廳管个，直到1965年。箇隻鎮貼牢大聯盟運河，箇條運河頂早將倫敦搭不停發展个運河系統連起來。渠是着末一批原舊運行大量商業貨運个運河之一（用到1950 年代），第歇原舊得對船隻開放，還畀遊船用。運河擔紹索爾搭東壗个海耶斯隔開，東面搭漢威爾畀布倫特河隔開。
廿世紀五十年代開始，因爲搭希思羅機場近，外加當地有工廠，紹索爾吸引了交關亞洲移民，[2]變成功印度次大陸之外頂大个旁遮普人社區。[3]第歇，第搭是南亞文化个主要中心咾，[4]畀人喊作“小印度”（英语：Little India）。[5]
地名
[编辑]1198年个記錄裏向寫成Suhaull，1204年寫成Sudhale，[6]到十六世紀八十年代末期製作的牛津郡謝爾登掛毯（Sheldon tapestry）丄則寫成Southold。
歷史
[编辑]
迭個一節需要擴充
文化
[编辑]第二次世界大戰結束之后，紹索爾慢慢叫發展成南亞裔居民爲主个居住區，有常時畀人喊作“小印度”（Little India）。[7][8][9][10][11]
另外，紹索爾主要火車站个標誌全用英語搭旁遮普閒話（古魯穆基文）兩種閒話書寫。紹索爾个主要街路叫百老匯（The Broadway），拉老紹索爾个國王街（King Street）丄還有一隻小眼个商業區。箇隻鎮有箇个地區頂大个南亞商業區之一，好搭東倫敦个格林街或者溫布利个伊靈路相比肩。[2][12][13]
倫敦頂大个錫克教社區拉紹索爾。[14]箇个地區攏總有十隻錫克教謁師所，其中2003年造好个師利·古魯·辛格·薩巴謁師所，是印度以外頂大个錫克廟之一，還拉同年獲得伊靈公民協會建築獎（Ealing Civic Society Architectural Award）。另外，紹索爾還有兩隻大个印度敎寺廟（Mandir），分別是拉瑪格麗特夫人路个毗濕奴印度敎廟搭老紹索爾个羅摩廟。
紹索爾有超過十隻基督敎敎堂，包括5隻聖公會敎堂、1隻羅馬天主敎堂、浸信會敎堂、衛理公會敎堂，搭幾隻五旬節派或者獨立教會敎堂。
紹索爾有六隻清真寺，包括：阿布·伯克爾清真寺（Abubakr Mosque），拉紹索爾百老匯；中央賈米亞清真寺（Central Jamia Masjid Mosque），拉蒙塔古韋（Montague Waye），是當地頂古老个清真寺；賈米亞清真寺伊斯蘭中心（Jamia Masjid Islamic Centre），拉湯森路；紅海清真寺（Red Sea Mosque），拉綠地（the Green）；達爾薩拉姆（Dar al Salam），位於諾伍德路；還有拜圖爾穆卡拉姆清真寺，拉利多超市附近。[15]
媒體
[编辑]紹索爾有兩隻當地社區廣播電台：Westside 89.6 FM，畀Ofcom許可，是渠推動社區廣播服務个一部分，播放城市音樂，本來拉紹索爾，第歇搬到漢威爾去哉；Desi Radio，主要播放旁遮普閒話節目，通過1602 AM拉西倫敦全境收聽，也好拉大倫敦範圍裏向通過DAB收聽。Sunrise Radio，畀更加廣个亞洲社區提供全國性廣播，第歇也從紹索爾搬到附近个豪恩斯洛去哉。
紹索爾也有眼畀當地社區提供个非英語報紙流通拉許，[16]其中包括旁遮普語報紙《Des Pardes》。Des Pardes个一位寫稿人塔爾塞姆·辛格·普雷瓦爾（Tarsem Singh Purewal）1995年拉紹索爾畀人殺脫哉。
電影搭電視裏向
[编辑]紹索爾是電影《Bend It Like Beckham》个主要拍攝場許，還出現拉一星寶萊塢電影裏向，包括《Patiala House》搭《Goal!》。
拉紹索爾个館店Brilliant Restaurant也拉戈登·拉姆齊个節目《拉姆齊个頂好个館店》（Ramsay's Best Restaurant）裏向出現過咾獲得過提名，是拉姆齊眼裏向頂好个館店之一。[17]戈登·拉姆齊還提到渠搭館店員工合作之前多次光顧過箇爿餐廳，努力獲得印度菜个深厚知識。查爾斯三世國王也表示過，Brilliant是渠頂喜歡个印度館店。[18]
體育
[编辑]本地个足球俱樂部紹索爾足球俱樂部（Southall F.C.）歷史悠久，1871年成立，培養出過球員萊斯·費迪南德，後首來渠代表英格蘭國家隊出戰。本地个板球俱樂部London Tigers CC拉斯派克斯橋公園（Spikes Bridge Park）比賽。另外，紹索爾公園也還舉辦每个禮拜覅鈔票个5公里公園跑活動，每個禮拜六上半年9點鐘開始。
人口
[编辑]紹索爾是一隻宗教搭族裔多元化个地區。根據估計，1964年非白人居民个比例大約是11.4%。[19]2021年，錫克敎徒佔人口个28.5%，穆斯林佔24.1%，基督敎徒佔22.6%。
地標
[编辑]- 霍恩克利夫高架橋
- 紹索爾鎮政廳
- 伊桑巴德·金德姆·布魯內爾个三橋
- 師利·古魯·辛格·薩巴謁師所
- 沃倫農場自然保護區
- 紹索爾个地標
-
雷德布里克水塔（第歇改造成公寓大樓哉），拉本來个紹索爾煤氣鼓前頭 -
三橋个一門海軍炮，是老底子外倫敦環形防線个一部分 -
紹索爾莊園 -
師利·古魯·辛格·薩巴謁師所 -
霍恩克利夫高架橋 -
宮殿購物中心（Palace Shopping Centre） -
-
.jpg)
政治代表
[编辑]紹索爾是伊靈紹索爾國會選區个一部分，工黨議員戴爾德麗·科斯蒂根（Deirdre Costigan）從2024年來代表箇隻選區。
拉地方議會選舉，紹索爾包括六隻選區：多默井（Dormers Wells）、瑪格麗特夫人（Lady Margaret）、諾伍德格林（Norwood Green）、紹索爾格林（Southall Green）、紹索爾百老匯（Southall Broadway）搭西紹索爾（Southall West），第星選區全是選舉議員進到伊靈議會。
紹索爾拉伊靈紹索爾倫敦議會選區，工黨个議會成員巴薩姆·馬赫福茲（Bassam Mahfouz）從2024年來代表箇隻選區。
地理搭交通
[编辑]附近个場許包括海耶斯、漢威爾、豪恩斯洛、格林福德、諾索爾特搭伊靈。根據《倫敦計劃》，紹索爾畀伊確定爲大倫敦35個主要中心之一。[20]
紹索爾火車站搭紹索爾提供服務，車站拉大西部主線上，連接希思羅機場、雷丁、牛津搭倫敦帕丁頓。
離紹索爾中心頂近个倫敦地鐵站是皮卡迪利線个奧斯特利站，拉紹索爾南面2英里（3.2 公里）左右。
頻繁个公交服務擔紹索爾搭所有貼隔壁个郊區，還有希思羅機場連牢。
公園
[编辑]紹索爾公園（Southall Park）是當地頂有名个公園，主要用作休閒活動，有一隻遊樂場、一隻遊樂中心、一隻網球場，還搭維利爾斯高中佮一隻多功能運動區。公園另外个特色包括一隻馬賽克地球儀和一埭瀑布。
敎育
[编辑]紹索爾个中學搭學院包括：
特殊學堂有：
參考資料
[编辑]- ↑ 2011 Census Ward Population Estimates | London DataStore. 原始文档勒2014-02-22存档. 访问日脚2014-06-09.
- ↑ Chaudhary, Vivek (2018-04-04). How London's Southall became 'Little Punjab'. The Guardian. 原始文档勒2021-06-28存档. 访问日脚2021-06-24.
- ↑ The UK's biggest South Asian Festival LONDON MELA powered by Let's Go Southall returns to Southall, the home of Europe's oldest South Asian community for a dazzling celebration of Asian culture, dance and music.. New-mela2017launch. 原始文档勒2020-08-07存档.
- ↑ U.K. - Southall - Serge :: Grace at the Fray. Serge. 原始文档勒2020-08-07存档. 访问日脚2020-04-30.
- ↑ （英语）Mills, A. D.（2011）．A dictionary of British place-names ．Oxford：Oxford University Press．ISBN 9780199609086．於2020-11-17参阅．
- ↑ Harcourt, Gordon (4 May 2005). "British Asians' immigration fears". BBC News. Archived from the original on 2023-04-23. Retrieved 2009-03-21.
- ↑ Philipose, Pamela (13 July 2003). "Voice from Little India". The Indian Express. Archived from the original on 2023-04-23. Retrieved 2009-12-13.
- ↑ Dhaliwal, Nirpal (22 July 2007). "Cameron is given a black eye by the real Southall". The Sunday Times (London). Archived from the original on 2023-04-23. Retrieved 2009-12-13.
- ↑ Bhamra, Kuljit (6 April 2009). "The (untold) Southall Story". Asians in Media Magazine. Archived from the original on 2010-04-13. Retrieved 2009-12-13.
- ↑ Rappeport, Alan (29 January 2006). "A Real Taste of South Asia? Take the Tube to Southall". The New York Times. Archived from the original on 2009-10-30. Retrieved 2009-12-13.
- ↑ London to India in Forty Minutes. The Daily Star (27 June 2014). 原始文档勒2021-04-19存档. 访问日脚2021-01-04.
- ↑ A Framework for London Borough of Ealing. 原始文档勒2021-08-29存档. 访问日脚2021-01-04.
- ↑ Demographics. Hidden London (30 January 2013). 原始文档勒2013-02-06存档. 访问日脚2020-04-30.
- ↑ Southall Mosques – Masjids – Islamic Places of Worship. Visitsouthall.co.uk. 原始文档勒2010-06-14存档. 访问日脚2015-07-29.
- ↑ Southall Newspapers. Visitsouthall.co.uk. 原始文档勒2020-12-01存档. 访问日脚2021-01-04.
- ↑ Gates, James (2010-09-21). 'Brilliant Restaurant' gets TV spotlight. My London.
- ↑ Taylor, Joanna (2023-05-05). The King's favourite Indian restaurant lives up to its name: Brilliant. The Standard. 原始文档勒2025-03-05存档. 访问日脚2025-03-09.
- ↑ Colour and the British electorate 1964: six case studies (en). www.abebooks.co.uk. 访问日脚2025-02-22. “In 1964, the Town Clerk’s department (...) gave the total coloured population as 6,500, about double the (not directly comparable) 1961 census figures above. Meanwhile, the total population of the borough had risen to 57,220. (...) the coloured immigrant community now comprises 11.4 per cent of the total population. Of this coloured population of 6,500 some 5,500 are Indians and of these more than 5,000 are Sikhs. The remainder include about 400 Pakistanis and 400 West Indians”
- ↑ Mayor of London (2008-02). London Plan (Consolidated with Alterations since 2004). Greater London Authority. 原始文档勒2010-06-02存档.
- ↑ Location and Facilities (en). Ayesha Siddiqa Girls School. 原始文档勒2009-11-30存档. “The school is based on the 2nd and 3rd floor of the Abu Bakr Mosque, located on the Broadway in Southall.”