章堰城隍庙

章堰城隍庙，勒垃上海青浦区重固镇章堰老街东首。本来是章氏家庙，盖咾也叫章庙，后首来变成功青浦城隍庙个别庙。清嘉庆手裏（1796年到1820年）、光绪手裏（1875年到1908年）修過兩趟。庙前頭有石桥，叫“兆昌”。庙朝南，外頭有大门，邊丄有一對石狮。 裏向是儀門，濟手面有土地堂，順手面有财神祠，當中是供城隍个中堂。柱頭有對聯：“居念奸邪凭尔烧香无益，存心正直见我不拜无妨。”後頭是寝宫。難朝只挺下來前後两殿，面积靠四百平方米。2004年公布为青浦区登记不可移动文物。