穆罕默德努海里

拿督穆罕默德努海里·拉末（马来语：Mohamad Nuhairi bin Rahmat），马来西亚个政治人物，乃朝是祖国斗士党个党员。伊曾经做过马来西亚第七任总理个政治秘书，土著团结党亚罗士打区部个前主席，是马哈蒂尔·穆罕默德个外甥孙。

早期经历

努海里出生勒马来西亚吉打州亚罗士打，勒垃英国卡莱尔学院读书。毕业转来仔么，伊勒马来西亚几家贸易公司里做董事，有得超过20年个做生意经验哉。

政治生涯

勒2018年9月5号，努海里勒总理马哈蒂尔·穆罕默德个面前，宣誓上任，做伊个政治秘书。搿个位子一直做到2020年马哈蒂尔自家辞职为止。

2020年，穆希丁·亚辛做仔总理，拿党里向支持马哈蒂尔个一派侪踢出去仔么，努海里领仔亚罗士打区部个15個委员搭仔900名党员一淘退出土著团结党，成为祖国斗士党创党人之一。

勒2022年马来西亚大选个辰光，45岁个努海里代表祖国斗士党出去竞选亚罗士打国会议席，阿末呒没选上，外加得票数忒少，连一开始报名交个保证金也呒没拿回来。